9:125  125  Combien  qu'auiourd'huy  beaucoup  de  sottes  bestes  se  meslent  de  brouiller  le  papier,  tellement  que  tantost  les  gens  savans  auront  honte  de  faire  rien  imprimer:  toutesfois,  a  grand'peine  trouveraon  qui  surmonte  un  certain  beiistre,  nomme  Antoine  Cathelan,  iadis  cordelier  en  Albigeois,  a  present  se  disant  estre  Prestre  seculier:  lequel  toutesfois  se  cuide  faire  valoir,  desgorgeant  a  la  volee  contre  nous  toutes  les  iniures  qu'il  peut  forger  ou  qu'on  luy  souffle  en  l'oreille,  et  faisant  gagner  quelque  imprimeur  affame,  a  en  insecter  le  monde,  moyennant  quelque  escot  qu'il  en  a  pour  son  butin.  *)  Comme  encores  n'agueres  il  a  publie  une  fueille  de  papier  contre  moy,  tendant  a  reprouver  la  doctrine  que  ie  porte,  et  blasphemant  si  hardiment  contre  Dieu  et  toute  verite,  qu'il  luy  semble  bien  qu'il  sera  trouve  habile  compagnon  de  ceux  qui  le  peuvent  recompenser  de  quelque  lippee.2)  Si  on  demande,  puisqu'il  est  si  badin,  comment  ie  m'attache  a  luy,  ie  confesse  qu'en  sa  sottise  encore  a-il  gagne  ce  poinct,  de  m'inciter  a  respondre  a  ses  bourdes,  intitulant  l'epistre  qu'il  fait:  AMesseigneurs  les  Syndiques  de  Geneve,  a  ce  qu'ils  ayent  a  me  contraindre  de  me  purger,  comme  si  tout  le  monde  me  devoit  tenir  convaincu,  en  cas  que  ie  ne  sonnasse  mot.  Vray  est  qu'il  pourra  bien  ci-apres  gazouiller  tant  et  plus  avant  qu'il  arrache  response  de  moy.  Car  ia  Dieu  ne  plaise  que  i'employe  si  mal  mon  temps,  et  que  i'occupe  beaucoup  les  lecteurs  a  tels  fatras,  qui  ne  valent  pas  le  parler.  Qui  plus  est,  s'il  n'estoit  commande  d'avoir  tous  blasphemes  en  horreur,  ie  seroye  bien  aise  que  tous  les  iours  la  Papaute  eust  une  centaine  de  pareils  advocats.  Car  elle  ne  sauroit  mieux  estre  degradee.  Et  faut  bien  que  Dieu  ait  aveugle  tous  ceux  qui  sont  en  authorite  et  desirent  maintenir  ceste  tyrannie  infernale  du  Pape,  avec  ses  superstitions,  quand  ils  permettent  ou  souffrent  que  tels  1)  lucellum  famelico  cuipiam  typographo  attulit,  qui  prius  in  caupona  semel  aut  iterum  utcunque  saginato  Cathalano  eius  sordibus  postea  mundum  inquinaret.  2)  qui  eius  ventrem  aliquot  bolis  farcire  queunt.