7:125  125  CONTRE  LES  ANABAPTISTES.  126  toire:  mais  le  iour  du  triuinphe,  quand  Iesus  Christ  apparoistra  en  sa  maieste,  afin  que  nous  regnions  eternellement  avec  luy.  Mais  pour  ce  que  telles  similitudes  sont  seulement  pour  esclaircir,  et  ne  sont  pas  autentiques:  prenons  en  de  l'escriture,  qui  servira  non  seulement  a  enseigner,  mais  aussi  a  prouver  nostre  dire.  Nous  savons  comme  sainct  Paul  traicte  allegoriquement  Tissue  du  peuple  d'Israel  hors  d'Egypte,  et  le  passage  par  la  mer  rouge  (1  Cor.  10,  2).  Suyvant  donc  cela,  entendons  qu'au  baptesme  nostre  Pharaon  est  plonge  en  la  mer:  c'est  a  dire  que  nostre  vieil  homme  est  mortifie,  et  que  nous  sommes  ensepvelis  avec  Christ,  et  par  ce  moyen  affranchis  de  la  servitude  de  peche.  Mais  de  la  nous  entrons  seulement  au  desert,  auquel  nous  conversons  durant  ceste  vie  mortelle.  Car  nous  sommes  povres  et  indigens,  sinon  entant  que  nostre  Seigneur  nous  departist  iournellement  ses  graces,  comme  il  faisoit  plouvoir  ia  manne  du  ciel  au  peuple  d'Israel  :  quand  ce  vient  a  la  mort,  nous  entrons  [page  157]  on  la  terre  de  promission,  1)  ce  qui  ne  se  faict  point  sans  grando  difficulte.  Car  c'est  adonc  que  nous  avons  a  soustenir  les  plus  grans  assaux  et  les  plus  perilleux.  Or  apres  que  le  peuple  d'Israel  fut  entre  en  la  terre  de  promission,  2)  il  se  passa  encore  longue  espace  de  temps  devant  que  Ierusalem  fust  bastie,  et  que  le  regne  de  la  maison  de  David  fut  mis  sus.  En  ceste  maniere  les  ames  fideles  ont  bien  incontinent  apres  la  mort  quelque  iouissance  de  l'heritage  qui  leur  est  promis,  mais  d'autant  que  la  gloire  de  Iesus  Christ  leur  Roy  n'est  point  encore  apparue,  et  que  la  cite  celeste  de  Dieu  n'est  pas  encore  establye  en  son  estat,  elles  sont  attendantes  iusques  au  iour  que  cela  se  fera.  Toutes  ces  choses  se  comprendront  en  l'escriture  de  ceux  qui  ne  voudront  estre  rebelles  a  Dieu:  et  non  seulement  ceste  doctrine  a  bonne  approbation  de  l'escriture,  mais  aussi  des  anciens  docteurs,  entre  lesquelz  Tertullian  dict:  Tant  le  loyer  des  bons,  que  la  punition  des  mauvais,  sont  en  suspend  iusques  a,  la  resurrection.  Neantmoins  il  ne  laisse  point  d'affermer  ca,  et  la,  que  les  ames  des  fideles  vivent  cependant  en  Dieu.  Et  pourtant  il  dict  en  un  autre  lieu:  Pourquoy  ne  prendrons  nous  le  [page  158]  sein  d'Abraham,  pour  un  receptacle  des  ames  a  un  temps,  lequel  nous  represente  qu'il  y  a  double  retribution,  l'une  tantost  apres  la  moit,  et  l'autre  au  iour  du  dernier  iugement?  Et  Irenee  dict:  Puis  que  le  Seigneur  Iesus  est  entre  en  l'ombre  de  mort  ou  estoyent  les  ames  des  trespassez,  apres  est  1)  terre  promise  1611.  2)  terre  de  Chanaan  1611.