6:125  CATECHISMUS  GENEVENSIS.  et  resuscite  pour  nous  delivrer  de  la  mort  eternelle,  et  nous  acquerir  la  vie:  mais  aussi  qu'il  habite  en  nous,  et  est  conioinct  avec  nous  en  telle  union  que  le  chef  avec  ses  membres,  afin  de  nous  faire  participans  de  toutes  ses  graces,  en  vertu  de  ceste  conionction.  LE  MINISTRE.  X)  Ceste  communion  ne  se  fait-elle  sinon  en  la  Cene?  L'ENFANT.  Si  fait  bien.  Car  nous  l'avons  par  la  predication  de  l'Evangile,  comme  dit  sainct  Paul  (1  Cor.  1,  21):  entant  que  le  Seigneur  Iesus  nous  y  promet  que  nous  sommes  os  de  ses  os,  chair  de  sa  chair  (Eph.  5,  30):  qu'il  est  le  pain  de  vie,  qui  est  descendu  du  Ciel,  pour  nourrir  noz  ames  (Iehan  6,  51):  que  nous  sommes  un  avec  luy  [fol.  64J  comme  il  est  un  avec  son  Pere  (Iehan  17,  21)  et  telles  choses.  LE  MINISTRE.  Qu'est-ce  que  nous  avons  au  Sacrement  d'advantage,  et  de  quoy  nous  sert-il  plus?  L'ENFANT.  C'est  que  ceste  communion  est  plus  amplement  confermee  en  nous,  et  comme  ratifiee.  Car  combien  que  Iesus  Christ  nous  soit  vrayement  communique,  et  par  le  Baptesme,  et  par  l'Evangile,  toutesfois  ce  n'est  qu'en  partie,  non  pas  pleinement.  LE  MINISTRE.  Qu'est-ce  donc  en  somme  que  nous  avons  par  le  signe  du  pain?  L'ENFANT.  C'est  que  le  corps  du  Seigneur  Iesus,  entant  qu'il  a  une  fois  este  offert  en  sacrifice,  pour  nous  reconcilier  a  Dieu,  nous  est  maintenant  donne  pour  nous  certifier  que  nous  avons  part  en  ceste  reconciliation.  LE  MINISTRII.  Qu'est-ce  que  nous  avons  au  signe  du  vin?  L'ENFANT.  Que  le  Seigneur  Iesus  nous  donne  son  sang  a  boire,  entant  qu'il  l'a  une  fois  espandu  pour  le  pris  et  satisfaction  de  noz  offenses,  afin  que  nous  ne  doubtions  point  d'en  recevoir  le  fruict.  LB  MINISTRE.  Selon  tes  responses,  la  Cene  nous  renvoye  a  la  mort  et  passion  de  Iesus  Christ,  afin  que  nous  communiquions  a  la  vertu  d'icelle.