58:125  125  DE  IACOB  ET  ESAU.  126  pour  un  temps,  puis  qu'Abraham  avoit  proteste  que  iamais  ne  feroit  ne  tort  ne  nuisance  a  nul,  comme  il  en  avoit  este  adiure  par  Abimelech:  ils  se  devoient  bien  contenter  de  cela,  ils  l'avoient  cognu  homme  loyal,  et  gardant  la  foy  qu'il  avoit  promise:  cependant  afin  qu'il  ne  retourne  iamais,  ils  estouppent  les  puits  qu'il  a  cavez:  car  il  n'y  a  nulle  doute  que  ce  n'ait  este  pour  lui  fermer  tous  acces.  Car  selon  qu'il  estoit  estranger  au  pais,  il  pouvoit  cercher  lieu  pour  habiter  qui  lui  fust  propre:  pour  dire,  P  auray  pour  le  moins  de  l'eau,  et  puis  il  y  a  quelque  pasturage  pour  mon  bestail.  Il  pouvoit  donc  retourner  par  dela:  mais  que  font-ils?  O,  quand  l'eau  lui  sera  ostee,  il  faudra  qu'il  cerche  pasture  ailleurs:  il  ne  pourra  iamais  retourner  ici.  Voila  une  malice  qui  est  par  trop  enorme:  mais  cognoissons  que  Dieu  veut  que  ses  enfans  soient  ainsi  molestez,  pour  esprouver  leur  patience.  Et  au  reste,  notons  que  le  tout  revient  a  la  confusion  des  meschans,  quand  ils  sont  ainsi  inhumains  contre  les  serviteurs  de  Dieu:  car  il  est  certain  que  si  Abraham  eust  habite  la,  que  la  benediction  de  Dieu  eust  este  en  ce  pais.  Et  quand  il  est  ici  recite  d'Isaac,  qu'il  a  recueilli  cent  fois  autant  qu'il  avoit  seme,  il  n'y  a  nulle  doute  que  la  terre  n'ait  esto  sterile,  et  que  tous  les  voisins  ne  se  soient  sentis  de  la  grace  de  Dieu.  Bref,  les  enfans  de  Dieu  ont  tousiours  donne  quelque  bonne  odeur  de  sa  misericorde:  et  nous  avons  veu  ce  qui  estoit  dit  de  Sodome  et  de  Gomorre,  que  si  Dieu  en  eust  la  trouve  une  dixaine  seulement,  la  ville  n'eust  point  este  abismee.  Or  voila  les  contempteurs  de  Dieu  et  les  incredules  qui  chasseront  les  fideles  du  mileu  d'eux,  et  ne  les  pourront  porter:  et  ce  sera  tousiours  a  leur  confusion.  Cependant  Dieu  aura  pitie  des  siens  :  et  combien  qu'ils  soient  deboutez  du  monde,  qu'on  les  persecute,  et  qu'ils  n'aient  point  ou  reposer  leur  vie,  si  est-ce  qu'il  leur  trouvera  tousiours  quelque  refuge  et  ombrage:  mais  si  faut-il  que  nous  soions  armez  d'une  grande  patience,  quand  les  hommes  nous  sont  si  cruels,  que  nous  ne  trouvons  en  eux  nulle  droiture,  que  ce  sont  comme  bestes  enragees:  il  faut  bien,  pour  endurer  cela,  que  nous  soions  munis  de  l'Esprit  de  Dieu,  qui  est  l'Esprit  de  mansuetude,  Et  il  est  certain  qu'il  ne  faut  rien  pour  nous  faire  ietter  nostre  venin:  car  nous  sommes  tant  delicats,  que  nous  ne  pouvons  rien  souffrir:  et  c'est  tousiours  a  nous  revenger.  Iamais  donc  nous  ne  serons  si  debonnaires,  que  nous  portions  patiemment  les  iniures  qu'on  nous  fait,  sinon  que  Dieu  nous  gouverne  par  son  saint  Esprit:  mais  quoy  qu'il  en  soit,  l'exemple  des  Peres  nous  est  ici  propose,  afin  que  nous  apprenions  de  ne  point  nous  escarmoucher  par  trop,  quand  les  hommes  nous  tourmenteront  en  quelque  sorte  que  ce  soit.  Au  reste,  notamment  il  est  dit,  qulsaac  a  retenu