51:125  125  SUR  L'EPITRE  AUX  GALATES.  126  leur  estat,  et  ainsi  poursuyvent  leur  malice,  et  n'est  iamais  question  de  souspirer  et  de  gemir:  mais  tousiours  ils  sont  a  rire,  comme  s'ils  vouloyent  despiter  Dieu  a  leur  escient.  Nous  voyons  donc  comme  les  uns  sont  empeschez,  voire  destournez  pleinement  de  venir  a  Iesus  Christ,  d'autant  qu'ils  presument  ou  de  leur  sagesse,  qu'ils  sont  preoccupez  d'une  fantasie  que  Satan  leur  a  mise  en  la  teste,  qu'il  leur  semble  qu'ils  sont  assez  sages  sans  Iesus  Christ,  voila  pourquoy  ils  le  mesprisent.  Les  autres,  qui  sont  en  nombre  infini,  apres  avoir  cognu  qu'ils  sont  poures  pecheurs,  neantmoins  ne  cerchent  point  le  remede.  Et  pourquoy?  Car  ce  monde  ici  les  possede,  et  ils  y  sont  tellement  enveloppez  qu'ils  ne  peuvent  lever  les  yeux  ni  les  sens  en  haut  pour  cercher  le  remede  qui  leur  estoit  appreste  en  Iesus  Christ.  D'autant  plus  donc  nous  faut-il  mediter  ce  que  i'ay  desia  touche,  c'est  a  scavoir  de  se  despouiller  de  toute  fiance  et  presomption  et  estre  tellement  confus  que  nous  n'ayons  nul  repos,  iusques  a  ce  que  nous  ayons  trouve  soulagement  en  nostre  Seigneur  Iesus  Christ,  et  que  non  seulement  nous  ayons  les  yeux  ouvers  pour  cognoistre  nostre  turpitudo  et  en  avoir  honte:  mais  que  nous  scachions  que  ceste  vie  n'est  rien,  et  que  Dieu  nous  y  a  mis  comme  en  un  passage  auquel  il  veut  esprouver  si  nous  tendrons  a  luy.  Que  donc  chacun  s'adiourne  et  soir  et  matin,  et  que  quand  nous  regarderons  a  nos  pechez,  ce  soyent  comme  aiguillons  qui  nous  piquent  et  nous  solicitent  de  venir  a,  Dieu,  tellement  que  nous  ne  soyons  pas  comme  bestes  brutes,  que  nous  ne  soyons  point  retenus  en  ce  monde,  que  tousiours  la  necessite  ne  nous  presse  de  venir  a  nostre  Seigneur  Iesus  Christ.  Voila  donc  comme  nous  pourrons  prendre  gloire  en  la  croix  de  nostre  Seigneur  Iesus  Christ.  Or  notamment  sainct  Paul  a  parle  ici  de  la  croix,  pour  ce  qu'il  estoit  question  de  rabatre  et  comme  fouler  au  pied  toute  hautesse  que  les  hommes  appetent:  Car  nous  voulons  tousiours  estre  ie  ne  scay  quoy  en  nous,  et  retenir  quelque  dignite.  Afin  donc  que  nous  soyons  despouillez  de  ceste  meschante  affection,  sainct  Paul  nous  monstre  que  Iesus  Christ,  le  Fils  de  Dieu,  ne  peut  pas  estre  nostre  gloire  sinon  d'autant  qu'il  a  este  crucifie  pour  nous.  Or  de  la  s'en  suit  ce  qu'il  adiouste  que  nous  serons  crucifiez  au  monde,  et  le  monde  a  nous  quand  nous  aurons  apprins  de  nous  glorifier  en  la  seule  et  pure  grace  qui  nous  a  este  apportee  par  nostre  Seigneur  Iesus  Christ.  Et  comment?  Ceux  qui  ne  sont  point  crucifiez  au  monde,  c'est  a  dire  qui  desirent  d'estre  en  quelque  authorite  et  se  faire  valoir,  qui  demandent  qu'on  les  honore,  et  qu'ils  soyent  avancez,  qui  sont  (bref)  distraits  de  leurs  cupiditez  et  ca  et  la,  il  est  certain  qu'ils  n'ont  point  encores  cognu  que  c'est  de  se  glorifier  en  la