27:125  125  SUR  LE  DEUTER.  CHAP.  XI.  126  les  dents  aiguisees,  ils  auront  mesmes  les  pattes  quand  Dieu  leur  laschera  la  bride,  qu'ils  seront  plus  cruels  que  lions  et  autres  bestes:  que  nous  demeurions  tousiours  en  cela,  que  nostre  Seigneur  nous  a  prins  en  sa  protection,  et  quoy  que  les  meschans  machinent,  toutesfois  qu'en  la  fin  ils  seront  renversez,  et  que  toutes  leurs  entreprinses  seront  frivoles,  et  inutiles.  Voila  donc  ce  que  nous  avons  a,  retenir.  Mais  cependant  pource  que  nous  pourrions  estre  troublez,  et  effarouchez  tous  les  coups,  voyans  la  vertu  de  nos  ennemis,  voyans  aussi  leur  courage  ainsi  selon  comme  ils  le  monstrent:  recourons  a  ce  qui  nous  est  ici  dit:  c'est  que  Dieu  a  les  coeurs  des  hommes  en  sa  main.  Et  ainsi  quand  il  y  auroit  la  plus  grande  fierte  du  monde,  et  une  audace  telle  qu'elle  seroit  pour  faire  trembler  l'air,  et  le  monde  :  que  nous  sachions  que  nostre  Seigneur  convertira  cela  en  crainte  et  en  frayeur:  que  ceux  qui  ont  voulu  ainsi  estre  redoutez,  en  la  fin  seront  moins  que  des  femmes,  ou  des  petits  enfans.  Et  pourquoy?  Oar  c'est  Dieu  qui  donne  la  vertu  et  constance  aux  hommes:  c'est  luy  qui  l'oste  quand  il  luy  plaist.  Si  donc  nous  avons  ceste  doctrine  bien  persuadee  et  resolue,  que  nostre  Seigneur  tient  les  coeurs  des  hommes  bridez:  nous  ne  douterons  point  qu'il  ne  nous  donne  tousiours  victoire  contre  nos  ennemis:  et  aussi  l'Escriture  insiste  notamment  la  dessus.  Et  afin  que  nous  sachions  que  les  hommes  n'ont  point  une  seule  goutte  de  prouesse  en  eux,  ne  de  vertu,  sinon  entant  que  Dieu  leur  donne,  notamment  Salomon  dit  :  que  les  coeurs  des  Rois  sont  en  la  main  de  Dieu.  Ii  semble  bien  encores  que  tout  le  reste  du  genre  humain  fust  suiet  et  en  bride,  que  les  Rois  sont  exemptez  du  rang  commun  :  car  nul  n'ose  gronder  a  l'encontre  d'eux  :  et  quand  ils  ont  dit  le  mot,  il  faut  qu'il  s'execute.  Il  semble  bien  donc  que  les  voila  eslevez  par  dessus  tout  le  monde.  Voire,  mais  tout  ainsi  que  Dieu  fait  couler  les  rivieres,  et  leur  fait  prendre  leur  cours  ca  et  la,  aussi  il  tient  les  coeurs  des  Rois  en  sa  main,  dit  Salomon:  et  que  sera-ce  donc  de  petits  babouins,  quand  ils  s'esleveront,  et  qu'ils  n'auront  ne  vertu  ne  puissance:  s'ils  nous  menacent,  nous  faut-il  esbahir  pour  cela?  Voila  donc  en  quoy  il  nous  faut  confier:  c'est  que  nous  rendions  a  Dieu  l'honneur  qu'il  sattribue,  c'est  assavoir  de  donner  courage  aux  hommes,  quand  ils  sont  craintifs,  et  d'espouvanter  ceux  qui  avoyent  une  audace,  comme  s'ils  eussent  emporte  la  foudre  avec  eux:  que  Dieu  les  rendra  confus,  en  telle  sorte  qu'ils  ne  sauront  que  devenir,  ils  seront  esperdus,  et  n'y  aura  que  foiblesse  et  timidite  en  eux,  au  lieu  de  la  vaillance  qu'ils  avoyent  monstre  auparavant.  Et  voila  comme  les  fidelles  se  doivent  asseurer.  Car  autrement  que  sera-ce  de  nous?  Quelle  est  nostre  condition?  Comme  i'ay  desia  !