19:125  125  1561  NOVEMB.  126  baillant  parti  tel  quil  demandoit,  ascavoir  une  compaigne  craignante  Dieu.  Or  voila  une  partie  du  retardement  que  ne  vous  ay  rendu  la  responce.  Ainsi  il  vous  plaira  m'escuser.  Quand  aux  lettres  qu'ay  receues  touchant  Villeroche,2)  nous  avons  le  synode  en  ceste  ville  de  8te  Foy  le  10  iour  de  ce  moys  de  desembre  comme  ie  croy,  ou  nous  aviserons  si  diligemment  a  telles  afaires  que  dieu  sera  servi  en  toute  droiture  et  vous  et  tous  nos  autres  peres  contentes.  Le  frere  de  Boudart3)  est  fort  fasche  de  s'en  estre  si  avant  mesle  et  a  ce  que  je  puis  cognoistre  maintenant  ne  le  supporte  nullement.  Le  susdict  Villeroche  est  pour  lempescher  marie  avec  une  fille  ayant  vaillant  dix  mille  francs  tournois  (comme  on  estime).  Quand  aux  freres  de  Mirremar  et  de  St.  Anthoine  jlz  attendent  en  patience.  Je  ne  redoubte  en  rien  que  ne  prenies  beaucoup  de  peine  pour  moy  et  pour  eux.  Mais  vous  scavez  a  qui  nous  servons.  Cependant  je  confesse  veritablement  que  ne  sauroys,  ny  eux  aussi,  suffissement  recognoistre  les  biens  que  nous  faittes  et  les  peines  que  prenes  pour  nous.  Au  reste  quant  est  de  l'estat  de  ceste  Eglise  le  tout  ce  porte  assez  bien  jusque  yci  graces  au  Seigneur,  sinon  quil  est  venu  un  edict4)  par  lequel  ii  nous  comande  de  ne  prescher  plus  es  temples  quavions  prins,  sur  peine  destre  prononces  et  punis  comme  mutins  et  seditieux.  Mais  cela  ne  nous  fait  peur  pourveu  que  nous  ayons  tousiours  liberte  de  prescher  purement  et  simplement  levangile  en  quelque  lieu  que  ce  soit.  Nous  sommes  donc  maintenant  pres  de  prescher  aussi  bien  desoubs  les  boutiques  ou  soubs  la  halle  que  jamais  nous  feismes,  et  croy  que  le  seigneur  nous  donnera  autant  de  vertu  et  courrage  que  jamais  il  feist  et  entendra  nos  prieres  et  oraisons.  Il  est  vray  que  je  crains  que  si  les  cappelans  veullent  retorner  en  lumiere  (car  par  ci  devant  ilz  disoient  leurs  messes  es  chambres  et  caves)  qu'ilz  ne  soient  tormentes  non  pas  des  grans  mais  des  petis  enfans.  Oar  graces  au  seigneur  dans  toute  ceste  ville  il  ny  en  a  point  vint  qui  facent  proffession  manifeste  de  la  papaute.  Le  seigneur  nous  veuille  assister*  Monsieur  mon  frere  M.  de  lorme  n'est  encore  venu.  Je  l'atten  tous  les  jours.  J'ay  deliberay  dieu  aydant  de  m'en  aller  ce  moys  de  Janvier  faire  un  voyage  en  nostre  ville  d'angiers.  Il  y  a  quatorze  ans  que  n'y  sus.  Je  vous  voudroys  volontiers  demander  par  maniere  de  conseil  si  ceux  de  ma  nation  me  solicitaient  de  les  servir  si  je  les  pouroys  2)  K  3543.  3)  Malgre  la  difference  d'ortftographe,  ce  nom  pourrait  bien  etre  identifie  avec  celui  de  Bordat.  (N.  3543.  et  3626.)  4)  L'edit  de  Juillet