50:124  simulant,  sponsam  in  amorem  sui  pelliciendo,  revera  sint  adulteri.  Ad  virginem  castam.  Non  alia  conditione  Christo  nubimus,  nisi  virginitatem  afferamus  in  dotem:  et  eam  conservemus  integram  ab  omni  corruptela.  Itaque  hoc  officium  est  ministrorum  evangelii,  purificare  animas  nostras,  ut  sint  pudicae  Christi  sponsae.  Alias  nihil  efficiunt.  Possumus  autem  intelligere  quod  singuli  se  exhibeant  castas  virgines,  vel  minister  exhibeat  totum  populum  et  offerat  in  conspectum  Christi.  Hoc  secundum  magis  placet:  ideo  aliter  verti  quam  Erasmus.  3.  Sed  metuo  ne  qua.  Incipit  exponere  qualis  illa  sit  virginitas,  cuius  meminit:  nempe  ut  uni  Christo  sincere  adhaereamus  toto  animo.  Postulat  quidem  ubique  Deus  a  nobis  ut  secum  simus  corpore  et  spiritu  coniuncti:  et  Deum  se  esse  zelotem  denuntiat,  qui  iniuriam  suam  severissime  ulciscatur,  si  quis  ab  eo  se  subducat.  Verum  coniunctio  haec  in  Christo  impletur:  sicuti  Paulus  docet  ad  Ephesios  cap.  5.  Modum  porro  in  praesentia  declarat,  quum  in  pura  evangelii  simplicitate  manemus.  Nam  sicuti  in  contrahendis  matrimoniis  humanitus  conficiuntur  tabulae  :  ita  spirituale  inter  nos  et  filium  Dei  coniugium  evangelio,  tanquam  tabulis,  sancitum  est.  Fidem,  amorem,  obedientiam,  quam  illic  stipulatur  a  nobis,  servemus:  ipse  mutuo  nobis  fidelis  erit.  Dicit  autem  Paulus  se  esse  anxium,  ne  corrumpantur  mentes  Corinthiorum  a  simplicitate  quae  in  Christo  est.  Graece  quidem  dicit  Paulus  dc  XPta~  TOv,  pro  quo  Erasmus  vertit  erga  Christum:  sed  propius  ad  Pauli  mentem  (meo  iudicio)  accessit  vetus  interpres:  quia  simplicitas  in  Christo  vocatur,  quae  nos  in  genuina  et  sincera  evangelii  doctrina  continet,  nec  adventitias  corruptelas  admittit.  Quo  significat  adulterari  mentes,  simulatque  vel  minimum  a  pura  Christi  doctrina  huc  vel  illuc  deflectunt.  Et  merito.  Quis  enim  matronam,  simulatque  lenoni  aures  accommodat,  non  damnet  impudicitiae?  ita  et  nos  quum  impios  et  falsos  doctores  admittimus,  qui  Satanae  sunt  lenones:  evidenti  signo  prodimus,  nos  minime  colere  fidem  coniugalem  erga  Christum.  Ac  notandum  verbum  s  i  m  p  l  i  c  i  t  a  t  i  s  .  Non  enim  verebatur  Paulus  ne  mox  aperte  deficerent  Corinthii  in  totum  a  Christo:  sed  ne  paulatim  a  simplicitate,  quam  didicerant,  ad  profana  et  aliena  figmenta  deflectendo  tandem  degenerarent.  Adducit  similitudinem:  quemadmodum  s  e  r  p  e  n  s  E  v  am  decepit  versutia  sua.  Nam  si  colorem  habent  sapientiae  falsi  doctores  ad  persuadendum,  si  eloquentia  valent,  si  probabiliter  se  insinuant  in  animos  auditorum  et  venenum  suum  blando  artificio  instillant:  non  dissimili  ratione  Evam  quoque  Satan  decepit.  Quia  non  palam  se  adversarium  professus  est,  sed  clanculum  specioso  praetextu  obrepsit.  4.  Nam  si  is  qui  venit.  Nunc  facilitatem  ni-