20:124  4000.  REQUETE  DES  MINISTRES  FRANCAIS.  Ils  demandent  la  permission  de  tenir  des  synodes.  (Bibliotheque  de  Geneve.  Carton  197*��.)  Au  Roy  et  a  son  Conseil.  Supplient  treshumblement  les  ministres  de  la  parole  de  Dieu  et  les  deputez  et  eglises  reformees  de  vostre  royaulme  assemblez  en  la  ville  de  Lion  iusques  au  nombre  de  *)  pour  tenir  le  Synode  qui  avoit  este  assigne  il  y  a  desia  ung  an  passe  Comme  ainsy  soit  quilz  pensassent  que  vostre  maieste,  Sire,  ne  trouveroit  point  maulvais  quilz  continuassent  a  faire  ce  quilz  ont  acoustume  par  cydevant.  Mais  aians  entendu  ce  que  Mr.  le  Conte  de  Sautt  vostre  Lieutenant  provincial  en  ce  pais  nous  a  declare  quil  ne  vous  venoit  point  a  gre  et  ne  iugiez  point  expediend  pour  ceste  heure  que  ledict  Synode  se  tint,  actendu  que  les  troubles  ne  son  pas  encores  bien  appaisez  du  tout  Nous  desirans  vous  obeir  comme  voz  treshumble  subiectz  et  mesmes  puis  quil  vous  a  pleu  de  vostre  grace  nous  tenir  en  vostre  protection  avec  liberte  danoncer  la  pure  parole  de  Dieu  et  administrer  les  sacremens,  nous  sentans  par  cela  tant  plus  obligez  a  ne  rien  faire  ny  attenter  qui  desplaise  a  vostre  maieste,  nous  sommes  incontinent  deportes  de  poursuyvre  plus  oultre,  mesmes  avons  contremande  ceulx  qui  debvoient  venir  afin  quil  ne  semblat  point  que  nous  pretendissions  contrevenir  oblicquement  a  la  deffence  faicte  par  vostre  maieste.  Cependant  nous  avons  advise,  Sire,  de  vous  presenter  ceste  requeste,  esperans  quant  vous  et  vostre  conseil,  aians  entendu  les  remonstrances  qui  y  sont  contenues,  non  seulement  vous  nous  laccorderez  mais  desirerez  que  ceste  ordre  davoir  des  Sinodes  soit  observe  comme  il  est  necessaire  pour  le  bien  public  de  vostre  royaulme  et  le  repos  de  voz  subiectz.  Tous  scavez,  Sire,  que  les  2)  ne  sont  iamais  si  bien  reduictz  quilz  naient  besoing  destre  tenus  en  bride.  Les  uns  seroient  -trop  hardis  a  entreprendre,  les  aultres  meneront  vie  dissolue,  les  aultres  esmouveroient  troubles  et  contentions,  les  aultres  feroient  bandes  a  part.  Beaucoup  derreurs  pourroient  pulluler,  il  se  commectroit  de  grans  abus,  lesquelles  choses  nameneroient  pas  seulement  scandalles  mais  4000.1)  Le  nombre  est  laisse  en  blanc  Comp.  N.  3993.  Le  synode  commenca  le  10.  Aout  et  ne  fut  trouble  en  aucune  facon.  (Aymon  I.  22.)  2)  mot  douteux  (proces?).