10.1:124  amende  honnorable,  qu'ils  se  viennent  presenter  au  temple,  pour  recognoistre  et  confesser  leur  faute  et  en  demander  pardon  a  Dieu  et  a  son  Eglise.  Ce  que  nous  avons  iuge  estre  bon  et  necessaire,  tant  pour  la  satisfaction  et  exemple  de  toute  la  compagnie  des  fideles,  qu'aussi  pour  faire  cognoistre  s'ils  se  repentent  de  bonne  et  franche  volonte,  et  finalement  qu'ils  soyent  reconciliez  a  l'Eglise  de  laquelle  ils  s'estoyent  retranchez  par  leur  cheute.  DE  L'OBSERVATION  DE  CESTE  POLICE.  Pour  observation  et  confirmation  de  cest  ordre  et  police  en  ceste  Eglise  de  nostre  Seigneur  Iesus  Christ,  nous  avons  ordonne  que  de  trois  en  trois  ans,  le  premier  dimanche  du  mois  de  Iuin,  il  en  soit  [page  55]  faict  lecture  publique  devant  tout  le  peuple  au  temple  sainct  Pierre  assemble.  Et  que  chacun  a  mains  levees  doive  iurer  a  Dieu  en  presence  des  Syndiques,  de  l'observer  et  garder,  sans  y  contredire  ni  contrevenir,  et  sans  qu'il  soit  licite  d'y  adiouster,  ou  diminuer,  sinon  qu'il  ait  este  premierement  propose  a  nostre  Conseil  estroit,  et  puis  aux  deux  cents,  selon  l'ordre  de  nos  autres  Edicts.  Ainsi  signe,  I.  F.  Bernard,  Secretaire.