7:123  123  BRIEVE  INSTRUCTION  124  en  brief,  ce  que  nous  devons  tenir  touchant  de  l'estat  et  condition  ou  elles  sont.  Or  pour  le  premier,  ie  proteste  que  i'en  parleray  plus  sobrement  que  beaucop  ne  voudroyent.  Car  ie  say  quelle  curiosite  il  y  a  en  plusieurs,  qui  voudroyent  qu'on  [page  152]  leur  deschiffrast  par  le  menu,  iusques  aux  chambres  et  cabinetz  ou  sont  les  ames,  en  attendant  le  iour  du  Iugement.  Ceux  qui  voudront  qu'on  les  paisse  de  telles  fables,  fc'abuseroyent  de  les  chercher  vers  moy.  ^Car  i'ayme  mieux  me  tenir  a  la  simplicite  de  l'escriture,  pour  enseigner  ce  qui  est  expedient  de  savoir,  que  d'extravaguer  en  l'air,  pour  estre  veu  subtil.7  Or  nostre  Seigneur  prevoyant  qu'il  ne  nous  estoit  point  mestier  d'avoir  plus  ample  intelligence  de  ceste  matiere,  s'est  contente  de  nous  enseigner  simplement,  que  quand  noz  ames  sont  departies  des  corps,  elles  vivent  neantmoins  en  luy,  attendant  l'accomplissement  de  leur  beatitude  et  gloire,  au  iour  du  Iugement,  comme  il  sera  dict  puis  apres.  Arrestons  nous  donc  a  cela,  et  quelque  declaration  que  nous  en  faisions,  ne  passons  point  ceste  mesure,  quant  a  la  sentence.  Mais  pour  y  proceder  plus  clairement,  commencons  par  la  distinction  qui  est  entre  les  ames  des  fideles  et  entre  les  amos  des  reprouvez.  Quand  l'Apostre  dict  en  l'Epistre  aux  Hebrieux,  qu'a  ceux  qui  auront  reiecte  Iesus  Christ,  et  se  seront  destournez  de  luy  a  leur  escient,  apres  avoir  congneu  sa  verite,  il  ne  reste  qu'une  attente  terrible  de  iugement  (Hebr.  10,  27),  il  est  certain  [page  153]  qu'il  ne  parle  pas  seulement  pour  la  vie  presente,  mais  beaucop  plus  regarde  au  temps  a  venir.  Car  les  meschans  ne  concoyvent  point  tousiours  en  ce  monde  le  iugement  de  Dieu  pour  s'en  estonner  et  en  avoir  horreur,  mais  quand  ce  vient  a  la  mort,  ilz  ne  peuvent  fuyr,  qu'ilz  ne  soyent  tenuz  enserrez  en  ce  destroit  de  frayeur  et  estonnement,  congnoissant  la  vengeance  qui  leur  est  appareillee.  Et  cela  nous  est  d'avantage  testifie  par  sainct  Pierre  et  sainct  Iude,  quand  ilz  disent  que  Dieu  n'a  point  espargne  ses  propres  Anges,  qui  ont  decline  de  leur  origine:  mais  les  a  mis  en  prisons  obscures,  les  enserrant,  pour  les  reserver  au  grand  Iour  (2  Pierre  2,  4;  Iude  6).  En  nous  declarant  la  condition  des  Diables,  ilz  nous  monstrent  aussi  bien  quelle  est  la  condition  des  meschans.  Car  c'est  une  mesme  raison.  Ainsi  nous  voyons  que  l'ame  d'un  infidele  estant  departie  du  corps,  est  comme  un  malfaicteur  qui  a  desia  receu  sentence  de  condamnation,  et  n'attend  plus  que  l'heure  qu'on  le  mene  au  gibet  pour  l'executer.  Il  est  bien  vray  que  mesme  durant  la  vie  presente,  que  les  meschans  sont  bien  tormentez  quelque  foys  de  plusieurs  remordz  de  leur  conscience,  et  que  le  iugement  de  Dieu  les  persecute:  mais  d'autant  qu'ilz  s'enyvrent  de  vaines  cogitations,  [page  154]  comme  s'ilz  pouvoyent  fuyr  et  eschapper,