6:123  LE  CATECHISME  DE  GENEVE.  LE  MINISTRE.  A  quelle  condition  donc  devons-nous  baptiser  les  petis  enfans?  L'ENFANT.  En  signe  et  tesmoignage  qu'ilz  sont  heritiers  de  la  benediction  de  Dieu,  promise  a  la  generation  des  fideles:  afin  qu'estans  venuz  en  eage,  ils  recongnoissent  la  verite  de  leur  baptesme,  pour  en  faire  leur  profit.  LE  MINISTRE.  l  )  Disons  de  la  Cene.  Et  premierement,  Quelle  est  la  signification  d'icelle?  L'ENFANT.  Nostre  Seigneur  Fa  instituee  pour  nous  asseurer  que  par  la  communication  de  son  corps  et  de  son  sang,  noz  ames  sont  nourries  en  esperance  de  la  vie  eternelle.  LE  MINISTRE.  Pourquoy  est-ce  que  le  Seigneur  par  le  pain  nous  represente  son  corps,  et  par  le  vin  son  sang?  L'ENFANT.  Pour  signifier  que  telle  propriete  qu'a  le  pain  envers  noz  corps,  c'est  de  les  repaistre  etsubstenter  en  ceste  vie  mortelle:  [fol.  63]  aussi  a  son  corps  envers  noz  ames:  c'est  de  les  nourrir  et  vivifier  spirituellement.  Pareillement,  que  comme  le  vin  fortifie,  refectionne  et  resiouit  l'homme  selon  le  corps:  aussi  que  son  sang  est  nostre  ioye,  nostre  refection,  et  vertu  spirituelle.  LE  MINISTRE.  Entens-tu  qu'il  nous  faille  communiquer  vrayement  au  corps  et  au  sang  du  Seigneur?  L'ENI  ANT.  Ie  l'entens  ainsi.  Car  puis  que  toute  la  fiance  de  nostre  salut  gist  en  l'obeissance  qu'il  a  rendue  a  Dieu  son  pere:  entant  qu'elle  nous  est  imputee,  comme  si  elle  estoit  nostre,  il  fault  que  nous  le  possedions.  Veu  que  ses  biens  ne  sont  pas  nostres,  sinon  que  premierement  il  se  donne  a  nous.  LE  MINISTRE.  Mais  ne  s'est-il  pas  donne  a  nous,  quand  il  s'est  expose  a  la  mort  pour  nous  reconcilier  a  Dieu  son  Pere,  et  nous  delivrer  de  damnation?  L'ENFANT.  Si  est  bien.  Mais  il  ne  suffit  pas  de  cela,  sinon  que  nous  le  recevions,  pour  sentir  en  nous  le  fruict  et  l'efficace  de  sa  mort  et  passion.  LE  MINISTRE.  La  maniere  de  le  recevoir,  est-ce  point  par  Foy?  L'ENFANT.  Ouy.  Non  seulement  en  croyant  qu'il  est  mort