58:123  123  HUITIEME  SERMON  124  de  Dieu,  et  qu'ils  ne  peuvent  se  tenir  en  sobriete  ne  modestie,  quand  Dieu  les  esleve.  Or  nous  cognoissons  en  ceci  combien  nous  sommes  pervers:  car  selon  que  Dieu  se  monstre  liberal  envers  nous,  il  est  certain  qu'il  s'approche  de  nous  et  nous  approche  de  lui:  et  cela  nous  devroit  donner  occasion  de  nous  humilier  tant  plus.  Car  il  n'y  a  rien  qui  nous  doive  si  bien  renger  a  faire  nostre  devoir,  que  quand  Dieu  se  monstre  ainsi,  et  que  nous  cheminons  comme  a  sa  veue.  Or  si  nous  abusons  de  ses  graces,  et  (comme  i'ay  desia  dit)  que  les  richesses  nous  engendrent  et  orgueil  et  presomption,  et  la  dessus  un  mespris  de  ceux  qui  sont  inferieurs  a  nous,  et  puis  la  cruaute,  que  nous  tormentions  l'un,  que  nous  molestions  l'autre,  que  nous  gourmandions  cestui-ci  et  cestui-la:  n'est-ce  pas  convertir  la  clarte  en  tenebres?  Ainsi  donc,  nous  avons  a  cognoistre  la  perversite  qui  est  en  nous,  et  a  laquelle  nous  sommes  non  seulement  enclins  :  mais  aussi  adonnez,  sinon  que  Dieu  nous  en  retire.  Or  quand  Dieu  fait  du  bien  a  ses  enfans,  il  est  certain  qu'il  corrige  ce  vice-la,  qu'ils  ne  sont  point  esmeus  a  s'eslever,  a  dresser  les  cornes,  et  a  faire  leurs  bravades,  et  a  fouler  au  pie  ceux  qui  ne  sont  point  pareils  a  eux:  et  nous  avons  desia  declare  qu'il  y  mesle  tousiours  quelque  retraintif,  afin  qu'ils  ne  s'esgaient  point  en  leur  felicite.  Quoy  qu'il  en  soit,  si  faut-il  qu'il  y  besongne  par  son  sainct  Esprit:  car  ii  n'y  aura  iamais  modestie  en  nous,  quand  nous  aurons  quelque  occasion  de  nous  eslever:  il  ne  faut  qu'une  peleure  d'oignon  (comme  on  dit)  pour  nous  faire  tellement  oublier  qui  nous  sommes,  et  pour  nous  enyvrer  d'outrecuidance,  que  nous  mespriserons  tous  les  autres.  Or  Isaac  n'a  point  este  adonne  a  fierte  ne  presomption:  et  Abimelech  lui  fait  tort.  Mais  (comme  i'ay  dit)  il  le  mesure  a  l'aune  commune,  pource  que  la  facon  des  hommes  est  de  tousiours  opprimer  les  petis,  quand  ils  le  peuvent  faire,  et  de  prendre  licence  selon  leur  faculte  de  nuire.  Voila  pourquoy  Abimelech  dit,  Tu  es  plus  fort  que  nous.  Or  la  dessus  nous  avons  a  noter,  que  Dieu  nous  admonneste  par  l'exemple  commun  de  nous  tenir  paisibles  et  modestes,  quand  il  y  aura  quelque  occasion  de  nous  priser,  que  neantmoins  nous  quittions  cela,  et  que  nous  aions  tant  plus  de  soin  de  nous  tenir  tousiours  en  nostre  degre,  voire  en  petitesse:  et  cependant,  s'il  nous  abaisse,  et  qu'il  nous  tiene  en  condition  basse  et  contemptible,  que  nous  sachions  qu'il  le  fait  pour  nostre  bien,  et  que  c'est  comme  une  medecine  preservative:  et  que  nous  cognoissons  que  si  nous  estions  eslevez  en  quelque  honneur  et  quelque  hautesse,  ce  seroit  pour  nous  aveugler  du  tout.  Voila  donc  ce  que  nous  avons  a  retenir.  Or  il  est  dit  puis  apres,