52:123  123  EPIST.  PAULI  AD  COLOSSENSES  124  14.  Propter  omnia.  Quod  alii  verterunt,  super  omnia  haec,  pro  insuper,  vel  praeter  haec  :  frigidum  est,  meo  iudicio.  Magis  conveniret,  prae  his  omnibus.  Sed  ego  significationem  vocis  hzl  magis  usitatam  elegi.  Nam  quum  omnia  quae  hactenus  recensuit  ex  caritate  manent:  merito  nunc  hortatur  Colossenses  inter  se  ut  caritatem  colant,  eorum  causa  :  hoc  est,  ut  sint  misericordes,  mansueti,  faciles  ad  ignoscendum.  Ac  si  diceret,  tunc  fore  tales  si  caritatem  habeant.  Nam  ubi  deest  caritas,  frustra  omnia  haec  requiruntur.  Ac  quo  magis  eam  commendet,  vocat  vinculum  p  e  r  f  e  c  t  i  o  n  i  s  :  quo  eigniticat,  virtutum  omnium  chorum  sub  ea  contineri.  Nam  haec  vere  regula  est  totius  vitae  et  omnium  actionum,  ad  quare  quidquid  non  exigitur,  vitiosum  est,  qualemcunque  alioqui  splendorem  habeat.  Haec  causa  est  cur  vocetur  hic  vinculum  perfectionis,  quia  nihil  est  in  vita  nostra  bene  compositum  quod  non  ad  ipsam  dirigatur:  sed  quidquid  aggredimur,  mera  est  dissipatio.  Caeterum  ridiculi  sunt  papistae,  qui  hoc  testimonio  abutuntur  ad  iustificationem  operum  adstruendam.  Caritas,  inquiunt,  vinculum  est  perfectionis.  Atqui  perfectio  est  iustitia  :  ergo  per  caritatem  iustificamur.  Responsio  duplex  est.  Nam  Paulus  hic  non  disputat  quomodo  perfecti  reddantur  homines  coram  Deo:  sed  quomodo  perfecte  inter  ge  vivant.  Est  enim  haec  genuina  loci  expositio,  reliqua  bene  habitura  quoad  vitam  nostram,  si  vigeat  inter  nos  caritas.  Verum  illo  concesso,  caritatem  esse  iustitiam:  frustra  et  pueriliter  inde  contendunt,  nos  caritate  iustificari.  Ubi  enim  reperietur  perfecta  caritas?  Nos  autem  non  ideo  dicimus  iustificari  homines  sola  fide,  quia  legis  observatio  non  sit  iustitia:  sed  potius  quod,  quum  omnes  simus  transgressores  legis,  destituti  propria  iustitia,  cogimur  a  Christo  iustitiam  mutuari.  Sola  igitur  fidei  iustitia  superest,  quia  nusquam  perfecta  est  caritas.  15.  Et  pax  Dei.  Pacem  Dei  appellat  quam  Deus  inter  nos  sancivit:  quemadmodum  patebit  ex  sequentibus.  Eam  vult  in  cordibus  nostris  regnare.  Sed  utitur  metaphora  valde  propria.  Nam  ut  inter  athletas,  qui  alios  omnes  superavit,  palmam  reportat:  ita  vult  pacem  Dei  superiorem  esse  omnibus  carnis  affectibus,  qui  nos  saepe  ad  contentiones,  dissidia,  rixas,  simultates  abripiunt.  Prohibet  ergo  ne  fraenum  pravis  eiusmodi  affectibus  laxemus.  Sed  quia  difficile  est  eos  coercere,  remedium  quoque  ostendit:  ut  penes  Dei  pacem  sit  victoria:  quia  fraenum  esse  oportet,  quo  omnes  carnis  affectus  cohibeantur.  Ideo  dicit,  in  cordibus:  quia  illic  sentimus  assidue  ingentes  pugnas,  dum  caro  concupiscit  adversus  spiritum.  Membrum  hoc,  ad  quam  estis  vocati,  declarat  qualis  sit  ista  pax:  nempe  unitas,  quam  inter  nos  Christus  suis  auspiciis  consecravit.  Nam  ita  nos  sibi  Deus  reconciliavit  in