51:123  123  SERMONS  124  QUARANTETROISIEME  SERMON.  GALATES.  Chap.  VI,  v.  14.18.  Nous  avons  veu  par  cidevant  comme  sainct  Paul  condamnoit  ceux  qui  ne  demandoyent  sinon  de  nager  entre  deux  eaux  pour  complaire  au  monde,  et  cependant  eviter  persecution.  Or  cela  estoit  cause  de  leur  faire  desguiser  l'Evangile:  comme  auiourd'huy  nous  en  voyons  par  trop  d'exemples.  Oar  ceux  qui  voyent  que  la  pure  doctrine  et  verite  de  Dieu  ne  peut  estre  receue  du  monde:  mais  que  les  meschans  enragent  a  rencontre,  ceux-la  (di-ie)  voudroyent  trouver  quelque  moyen  pour  n'estre  point  en  haine,  et  pour  ne  point  encourir  aucune  male  grace.  Et  qu'ainsi  soit,  si  auiourd'huy  on  interrogue  ceux  qui  ont  quelque  peu  de  sens,  on  n'en  trouvera  pas  a  grand'peiue  de  cent  l'un  qui  ne  confesse  qu'il  y  a  des  abus  beaucoup  en  la  Papaute:  mais  qu'il  ne  faut  point  retrancher  tout  au  vif,  et  que  c'est  assez  qu'on  oste  quelques  superstitions  par  trop  lourdes  et  enormes,  et  voudroyent  nourrir  cependant  beaucoup  d'infections.  Et  pourquoy?  Car  (comme  nous  avons  dit)  ils  veulent  estre  en  estime  et  en  credit,  et  ce  leur  est  tout  un  de  trahir  la  purite  de  l'Evangile,  moyennant  qu'ils  se  puissent  exempter  de  persecution  :  mesmes  au  milieu  de  nous  on  en  trouvera  assez  qui  voudroyent  ceci  et  cela.  Et  qui  les  meut,  sinon  qu'ils  se  veulent  faire  valoir  et  acquerir  quelque  reputation?  D'autant  donc  que  le  diable  ayant  machine  ces  troubles  que  nous  voyons  du  temps  de  sainct  Paul,  continue  encores  auiourd'huy:  nous  devons  estre  armez  de  ceste  doctrine.  Et  le  vray  remede  est  celuy  que  nous  propose  ici  sainct  Paul,  c'est  de  reietter  toute  gloire,  sinon  celle  que  nous  avons  en  la  croix  de  nostre  Seigneur  Iesus  Christ.  Or  pour  bien  comprendre  ceci,  en  premier  lieu  il  nous  faut  retenir  ce  qui  est  dit  en  Ieremie,  et  ce  que  sainct  Paul  aussi  allegue,  que  toute  gloire  des  hommes  doit  estre  abatue,  a  fin  que  Dieu  soit  exalte  comme  il  le  merite.  Comme  defait  il  est  dit  que  toute  la  sagesse  que  les  hommes  cuident  avoir  n'est  rien,  et  qu'il  ne  faut  point  que  cela  vienne  en  conte:  mais  qu'il  soit  aneanti,  et  qu'on  ait  recours  a  Dieu  comme  a  celuy  qui  a  en  soy  toute  plenitude  de  biens:  que  nous  confessions  (di-ie)  que  toute  sagesse  procede  de  sa  bonte  gratuite  entant  que  nous  sommes  illuminez  par  son  sainct  Esprit,  qu'estans  debiles  il  faut  que  nous  soyons  fortifiez  par  sa  vertu:  estans  pleins  de  pollution  et  de  toutes  iniquitez,  que  nous  recouvrions  iustice  selon  qu'il  nous  la  donne.  Or  maintenant  il  nous  faut  venir  aux  moyens.  Car  ce  n'est  point  assez  d'avoir  cognu  que  Dieu  est  nostre  clarte,  qu'il