30:123  123  HOMILIA  LV.  124  quod  ariolorum,  veneficorum,  incantatorum  nomine  damnentur.  Sed  ipse  Deus  sententiam  de  illis  tulit,  quid  ergo  adversus  Dominum  obgannient?  Nos  hanc  amentiam  intuentes  discamus  summam  impietatem  esse  a  Deo  alienari.  Nam  istiusmodi  homines  vana  sua  somnia  et  mendacia  sequentes,  Deus  suo  iusto  iudicio  deserit  et  reiicit.  Nam  quotiescunque  increduli  suis  superstitionibus  involvuntur,  Deum  fugiunt,  et  vana  effugia  quaerunt  ne  coram  ipso  compareant.  Quo  quum  devenerunt,  necesse  est  ut  summo  impetu  in  furorem  illum  diabolicum  et  rebellionem  ruant.  Nos  vero  Deo  gratias  agamus  immortales  de  omnibus  acceptis  ab  ipso  beneficiis,  et  nominatim  quod  ex  superstitionum  gurgite  erutos  nos  ad  suae  lucis  splendorem  apertis  oculis  adduxerit,  fructumque  et  utilitatem  quae  ex  obedientia  provenit  ad  ipsius  verbum  conformata  sentire  voluerit,  ne  unquam  ullis  Satanae  imposturis  decipiamur,  sed  in  ipsius  timore  sincere  neque  ad  dextram,  neque  ad  lacvam  declinantes  indefesso  pede  ambulemus.  Iam  vero  agite,  ete.  HOMILIA  Lv  24.  Dixitque  Saul  ad  Samuelem:  Peccavi,  quia  praevaricatus  sum  sermonem  Domini,  et  verba  tuay  timens  populum,  et  obediens  voci  eorum.  25.  Sed  nunc  porta,  quaeso,  peccatum  meum,  et  revertere  mecum  ut  adorem  Dominum.  26.  Et  ait  Samuel  ad  Saul:  Non  revertar  tecum,  quia  proiecisti  sermonem  Domini,  et  proiecit  te  Dominus  ne  sis  rex  super  Israel.  27.  Et  conversus  est  Samuel  ut  abiret:  ille  autem  apprehendit  summitatem  pallii  eius,  quae  et  scissa  est.  28.  Et  ait  ad  eum  Samuel:  Scidit  Dominus  regnum  Israel  a  te  hodie,  et  tradidit  illud  proximo  tuo  meliori  te.  29.  Porro  triumphator  in  Israel  non  parcet,  et  poenitudine  non  flectetur:  neque  enim  homo  est  ui  agat  poenitentiam.  Hic  primum  docemur  Saulem  acri  Samuelis  reprehensione  tandem  perculsum  et  domitum.  Nam  initio  quidem  reprehensionis  suam  innocentiam  tueri  velle  visus  est,  et  excusationes  quibus  sese  tueretur  in  medium  protulit:  sed  ubi  Samuel  hanc  sententiam  detonuit,  voci  Dei  non  obedire  esse  quasi  peccatum  ariolandi  :  et  quasi  scelus  idololatriae  nolle  acquiescere,  victus  tacuit,  et  quum  nullum  excusationi  locum  dari  vidit,  crimen  fassus  est.  Ex  quibus  apparet  solam  doctrinam  non  sufficere  ad  homines  ad  Deum  adducendos  :  sed  ad  eam  oportere  reprehensiones  et  comminationes  accedere.  Ac  sane  Paulus  apostolus  docens,  quomodo  scriptura  sit  utilis,  non  tantum  ad  docendum,  sed  etiam  ad  ex-