27:123  123  SERMON  LXXVIII.  124  Satan  :  mais  aussi  de  tous  ses  supposts.  Car  le  diable  use  de  tous  moyens  qu'il  luy  est  possible,  il  a  tous  les  meschans  en  sa  conduite,  il  les  gouverne,  et  les  pousse  a  tout  mal.  Il  faut  donc  qu'estans  conduits  de  l'esprit  malin,  ils  nous  faschent,  et  nous  tourmentent  tant  qu'ils  pourront:  mais  nous  avons  Dieu  qui  bataille  pour  nous,  et  nous  serons  garnis  de  sa  vertu.  Ne  craignons  point  donc  que  tousiours  il  ne  nous  donne  la  victoire,  combien  qu'il  nous  faille  ahanner,  et  avoir  beaucoup  de  troubles:  car  il  ne  peut  pas  estre  qu'en  tels  assauts  il  n'y  ait  tousiours  quelque  effroy.  Comme  nous  voyons  que  les  meschans  sont  ardens  a  tousiours  nuire  aux  enfans  de  Dieu:  et  que  si  tost  qu'ils  peuvent  remuer  un  doigt,  ils  font  escarmouche  nouvelle.  Il  faut  donc  que  nous  portions  patiemment,  quand  il  plaist  a  Dieu  de  nous  exercer  ainsi.  Mais  attendons  ceste  issue,  de  laquelle  ici  Moyse  a  asseure  les  fideles,  c'est  que  tousiours  ils  auront  la  victoire  contre  leurs  ennemis.  Maintenant  nous  voyons  a  quelle  fin  il  nous  faut  appliquer  ceste  doctrine.  Or  il  reste  de  noter  aussi,  quand  Dieu  promet  une  telle  chose,  qu'il  a  les  coeurs  des  hommes  en  sa  main  :  car  il  adiouste  le  moyen,  c'est  qu'il  mettra  nostre  frayeur,  et  nostre  peur  sur  tous  nos  ennemis.  Comme  s'il  disoit,  qu'il  imprimera  en  nous  sa  marque,  tellement  que  les  meschans,  combien  qu'ils  soyent  envenimez,  qu'ils  soyent  agitez  de  furie,  et  de  rage,  seront  estonnez,  et  abbattus,  et  qu'ils  se  trouveront  esperdus.  Quant  au  monde,  il  semblera  bien  qu'ils  ayent  des  coeurs  de  lion:  mais  Dieu  les  fera  decouler  comme  eau,  et  verraon  a  l'oeil  qu'il  n'y  a  point  une  seule  goutte  de  magnanimite  aux  hommes,  sinon  entant  que  Dieu  leur  en  donne.  Et  de  nostre  coste,  combien  que  nous  soyons  craintifs,  et  que  nous  n'ayons  pas  un  courage  tant  delibere  de  nature,  toutesfois  que  Dieu  nous  changera,  et  qu'il  nous  donnera  une  constance  invincible:  que  si  nous  avions  este  grands  gendarmes,  et  bien  habilles,  il  n'y  auroit  pas  une  telle  vertu  en  nous  comme  il  la  fera  sentir,  moyennant  que  nous  n'y  allions  point  en  presomption:  mais  que  nous  soyons  appuyez  sur  luy,  demandans  d'estre  soustenus  par  sa  main,  et  par  sa  grace.  Voila  donc  ce  que  nous  avons  a.  retenir  de  ce  passage.  C'est  en  premier  lieu,  d'autant  que  nostre  vie  est  une  guerre,  qu'il  ne  faut  point  que  nous  craignions:  pource  que  Dieu  nous  a  promis  de  batailler  pour  nous.  Et  voire,  mais  nous  avons  affaire  a  un  ennemi  trop  puissant:  et  mesmes  il  n'y  a  pas  un  seul  diable  auquel  il  nous  faille  resister,  mais  il  y  a  des  legions  infinies.  Que  pourrons-nous  faire,  veu  que  nous  sommes  tant  fragiles,  veu  que  nous  avons  des  tentations  de  tous  costez,  brief  que  nostre  salut  est  comme  expose  en  proye?  Car  quels  moyens  avons-