20:123  123  EPISTOLAE  3999.4001  124  3999.  CALVINUS  ET  BEZA  YIRETO.  De  synodo  Gallorum  convocando  et  quibus  modis  a  Rege  aliquid  obtineri  possit  *)  (Ex  Codd.  Genev.  107a,  fol.  268  et  119,  fol.  57  coll.  c.  Bpp.  Bern.  v  i  .  1118  et  Simleri  Vol.  107.  Prius  illud  exemplar  snbscriptum  est:  D.  Petro  Vireto  Calendis  Augusti  1563.)  Vix  fieri  aliter  potuit  quin  synodum  impedirent  quibus  nihil  gratius  est  quam  ecclesiarum  dissipatio.  Sperant  enim,  ubi  cessaverint  conventus,  nos  fore  scopas  dissolutas,  et  certe  omnia  statim  diffluent  ac  improbi  protervique  homines  in  effraenem  licentiam  erumpent.  Denique  hoc  artificio  durius  oppugnatur  religio  quam  si  palam  saevirent  hostes.  Periculo  itaque  obviam  eundum  et  omnia  tentanda.  Neque  tamen  censemus  ante  habendam  esse  synodum  quam  impetrata  a  Rege  fuerit  venia.  Nihil  autem  ut  in  re  perplexa  utilius  visum  est,  quam  supplicem  libellum  Regi  offerre,  cuius  formulam  scripsimus,  ut  inde  sumatis  quod  visum  fuerit,  si  vobis  probabitur  nostrum  consilium.  Ubi  vestram  modestiam  cognoverint  aulici  et  parendi  facilitatem,  quamvis  non  flectantur,  saltem  retinebitur  eorum  crudelitas,  ne  noceant.  Simul  ac  de  vestra  sententia  facti  erimus  certiores,  adiuvabimus  quantum  in  nobis  erit  et  speramus  aliquid  tandem  posse  obtineri.  Porro  quia  in  multis  locis  exortae  sunt  lites,  gliscunt  dissidia,  petulanter  ferociunt,  quaedam  ecclesiae  pastores  pro  libidine  sibi  accersunt  vel  repudiant,  denique  infinita  negotiorum  congeries  in  hanc  synodum  reiecta  erat:  venit  nobis  in  mentem  una  ratio,  ut  a  vobis  pauci  eligantur,  qui  huc  veniant  et  si  non  possint  controversias  omnes  dirimere,  saltem  provideant  ne  graviorem  iacturam  accipiant  ecclesiae,  si  nulla  cognitio  interposita  fuerit.  Sumerent  autem  a  singulis  ecclesiis  breves  commentarios,  reversi  postea  rescriberent  quid  actum  esset:  nam  si  quid  agatur  sub  regis  ditione  erit  calumniis  obnoxium.  Vos  igitur  expendite  quid  maxime  expediat.  Vale,  eximie  vir  et  integerrime  frater.  Symmystae  omnes  nostri  te  et  fratres  plurimum  salutant.  Dominus  vobis  adsit.  Genevae  Calendis  Augusti.2)  Fratres  tui  et  symmystae  Ioannes  Calvinus  Theodorus  Beza.  3999.1)  cf.  N.  3993  et  sequentem.  2)  quae  sequitur  supplicatio  ad  Regem,  si  quid  videmus,  Calvini  opus  est,  de  quo  hic  loquitur.  In  supplementis  reperies  aliud  Genevensium  scriptum  ad  eandem  synodum  pertinens.