10.1:123  ORDONNANCES.  nous  enseigne,  que  ceux  qui  auront  este  endurcis  pour  ne  point  obeir  aux  corrections  de  l'Eglise,  soyent  tenus  comme  Payens:  et  que  sainct  Paul  aussi  defend  de  les  hanter,  et  veut  qu'ils  soyent  reduits  par  honte,  afin  de  simmilier  a  repentance:  ce  qui  ne  se  peut  faire  sans  qu'ils  ayent  este  declarez  obstinez  et  incorrigibles:  davantage  aussi  que  les  scandales  publiques  qui  auront  trouble  l'Eglise,  doivent  estre  reparez,  combien  que  par  ci-devant  nous  avons  fait  des  Edicts  tels  que  nous  avons  peu  iuger  estre  les  plus  expedients  pour  l'edification  de  l'Eglise,  et  lesquels  aussi  lesdicts  spectables  Ministres  ont  prise  et  loue:  neantmoins  afin  d'approcher  encore  plus  de  la  vraye  [page  54]  reigle  de  la  parole  de  Dieu,  et  nous  y  conformer  tant  qu'il  sera  possible:  Nous  avons  ordonne  que  ci  apres  ceux  qui  auront  este  excommuniez  par  le  Consistoire,  s'ils  ne  se  rengent  apres  avoir  este  deuement  admonestez,  mais  qu'ils  persistent  en  leur  rebellion,  soyent  declarez  par  les  temples  estre  reiettez  du  troupeau,  iusques  a  ce  qu'ils  viennent  recognoistre  leur  faute  et  se  reconcilier  a,  toute  l'Eglise.  Davantage,  que  ceux  qui  pour  sauver  leur  vie  se  seront  desdicts,  et  auront  renonce  la  pure  foy  de  l'Evangile,  ou  qui  apres  avoir  receu  ici  la  saincte  Cene  seront  retournez  aux  abominations  de  la  Papaute:  au  lieu  qu'il  leur  estoit  commande  de  faire