8:122  sinon  que  les  uns  sont  esleus  pour  estre  sauvez,  et  les  autres  destinez  au  feu  eternel?  Nous  avons  donc  a  parler,  puis  que  le  Seigneur  a  mis  de  telles  paroles  en  nostre  bouche.  Et  de  cela  ie  prie  mes  freres  d'en  dwe  ce  que  le  Seigneur  leur  en  aura  donne,  afin  qu'il  soit  notoire  a  tous,  que  nous  ne  sommes  point  de  ces  chiens  {desquels  il  est  parle  au  Prophete  Isaye),  qui  ne  peuvent  abayer,  mais  que  vrayement  nous  sommes  ministres  de  l'Evangile  de  nostre  Seigneur,  pour  soustenir  (entant  qu'en  nous  sera),  ceste  doctrine,  a  laquelle  ie  consens  (comme  i'ay  dit),  et  icelle  approuve,  comme  aussi  c'est  la  verite  de  Dieu  infallible  et  qui  ne  peut  mentir.  Pourtant  ie  prie  tous  ceux  qui  sont  de  Dieu,  qu'ils  la  recoivent  avec  une  telle  crainte  et  reverence  qu'il  appartient,  sachans  que  s'ils  en  sont  entierement  persuadez  et  resolus,  qu'ils  appartiennent  a  la  vie  eternelle.  Autrement  ceux  qui  la  reiettent  et  qui  ne  se  veulent  point  assuiettir  a  icelle,  sachent  qu'ils  ne  sont  point  appelez  a  ceste  vie,  mais  qu'ils  sont  destinez  [page  71]  a  perdition  eternelle.  M.  NICOLAS  DES  GALARS.  Mes  freres,  nous  devons  cognoistre  combien  il  est  necessaire  a  un  chacun  de  nous,  d'estre  resolus  en  ceste  doctrine.  Car  il  est  impossible  que  iamais  nous  puissions  estre  en  paix  ny  en  repos  de  nos  consciences,  si  non  que  nous  ayons  un  tel  fondement  en  nous,  c'est  assavoir,  que  nous  cognoissions  que  Dieu  nous  a  esleus.  Mais  cependant  il  faut  que  tout  cela  soit  fonde  en  Dieu:  car  si  nous  en  voulons  attribuer  une  seule  goutte  a  nous,  il  n'y  aura  rien  de  ferme  ny  de  certain.  Il  faut  donc  que  nous  cognoissions,  qu'estans  appelez,  nous  avons  desia  este  esleus,  et  que  cela  depend  de  ceste  bonte  paternelle  de  nostre  Dieu,  et  de  son  election  qu'il  a  faite  de  tout  temps.  Si  nous  n'avons  ce  fondementla,  nous  passerons  par-dessus  toute  l'Escriture  sans  en  recevoir  instruction  qui  soit  a  nostre  profit.  Regardons  comment  sainct  Paul  procede  [page  72]  pour  asseurer  ceux  ausquels  il  escrit.  Il  monstre  que  ceste  sanctification  vient  de  ce  qu'il  les  a  esleus.  Or  sainct  Paul  parle  entierement  de  ceste  election,  que  quand  nous  en  dependons,  nous  voyons  que  c'est  un  conseil  immuable  de  Dieu.  Autrement,  si  nous  n'avons  pas  ceste  certitude-la,  Satan  nous  auroit  bien  tost  mis  a  sac,  pour  nous  renverser  les  principaux  fondemens  de  nostre  foy,  et  pour  nous  envelopper  tellement  en  ses  erreurs,  qu'il  seroit  bien  difficile  de  nous  en  retirer.  Au  reste,  quand  nous  ne  pourrons  pas  comprendre  ce  qui  surmonte  nostre  entendement,  ne  soyons  point  si  temeraires  de  vouloir  assuiettir  Dieu  a  nous,  comme  s'il  estoit  tenu  de  nous  reveler  ce  qu'il  nous  veut  estre  cache.  Mais  au  contraire,  que  nous  nous  assuiettissions  du  121