52:122  tus  solus  proram  et  puppim  (ut  aiunt),  principium  et  finem  tenet.  Porro  per  Christum  intelligit  spiritualem  Christi  iustitiam,  quae  caeremonias  abolet,  ut  prius  visum  est.  Sunt  igitur  in  vera  perfectione  supervacuae  :  adeoque  nullum  locum  habere  debent,  quia  alioqui  fieret  Christo  iniuria,  quasi  ad  supplendum  eius  defectum  haec  adminicula  accersere  opus  foret.  12.  Induite  igitur.  Quemadmodum  partes  aliquot  recensuit  veteris  hominis,  ita  etiam  nunc  recenset  novi.  Tunc,  inquit,  constabit  vos  esse  renovatos  per  Christum,  si  fueritis  misericordes  et  comes,  ete.  Nam  hi  sunt  effectus  et  testimonia  renovationis.  Ergo  exhortatio  a  secundo  membro  pendet:  ideoque  retinet  metaphoram  in  verbo  induendi.  Primo  loco  ponit  viscera  miserationum,  qua  loquutione  serium  et  quasi  visceralem  misericordiae  affectum  notat.  Secundo,  comitatem.  Sic  enim  vertere  libuit  xpvjOTOT^Ta,  qua  nos  reddimus  amabiles.  Huic  adiungit  humilitatem:  quia  nemo  comis  erit  ac  tractabilis,  nisi  qui  deposito  fastu  et  altitudine  animi,  ad  modestiam  se  submiserit,  sibi  nihil  arrogans.  Mansuetudo,  quae  sequitur  latius  patet  quam  comitas.  Nam  illa  praecipue  est  in  vultu  ac  sermone  :  haec  etiam  in  affectu  interiore.  At  quoniam  saepe  fit  ut  incidamus  in  homines  pravos  et  ingratos:  patientia  opus  est,  quae  lenitatem  foveat  in  nobis.  Tandem  exponit  quid  intellexerit  per  tolerantiam:  nempe  ut  cum  venia  nos  mutuo  amplectamur,  et  ignoscamus  etiam  ubi  quid  peccatum  fuerit.  Verum  quia  ardua  res  est  ac  difficilis:  doctrinam  confirmat  Christi  exemplo,  ac  docet  idem  a  nobis  requiri:  ut,  quemadmodum  toties  ac  tam  graviter  rei  a  Christo  nihilominus  recepti  sumus  in  gratiam,  eandem  humanitatem  exhibeamus  proximis,  quidquid  in  nos  peccaverint,  condonando.  Ideo  dicit,  si  quis  adversus  alium  litem  habeat.  Quo  significat,  ne  iustas  quidem  secundum  hominem  ultiones  esse  persequendas.  Tanquam  electi  Dei.  Electos  hic  accipio  pro  segregatis.  Ac  si  diceret:  Ea  conditione  vos  sibi  elegit  Deus,  sanctificavit,  recepitque  in  amorem  suum,  ut  sitis  misericordes,  ete.  Has  virtutes  qui  non  habet,  frustra  se  iactat  sanctum  esse,  ac  Deo  dilectum:  frustra  se  in  numerum  fidelium  inserit.  14.  Propter  omnia  haec  caritatem,  quae  est  vinculum  perfectionis.  15.  Et  pax  Dei  palmam  obtineat  in  cordibus  vestris,  ad  quam  etiam  estis  vocati  in  uno  corpore,  et  grati  sitis.  16.  Sermo  Christi  inhabitet  in  vobis  opulente  in  omni  sapientia,  docendo  et  commone  faciendo  vos  psalmis,  hymnis  et  canticis  spiritualibus  cum  gratia,  canentes  in  cordibus  vestris  Domino.  17.  Et  quidquid  feceritis  sermone  vel  opere,  omnia  in  nomine  Domini  Iesu,  gratias  agentes  Deo  et  patri,  per  ipsum.