10.1:122  Chrestiens  et  empescher  et  corriger  les  scandales:  Avons  derechef  conclu  et  ordonne  qu'on  se  tienne  a  ce  quo  porte  l'Edict,  c'est  qu'on  choisisse  seulement  deux  conseillers  de  vingt  cinq:  et  en  cas  que  l'un  soit  Syndique,  qu'il  n'y  soit  qu'en  qualite  d'Ancien,  pour  gouverner  l'Eglise,  sans  y  porter  baston.  Car  combien  [page  52]  que  ce  soyent  choses  coniointes  et  inseparables,  que  la  seigneurie  et  superiorite  que  Dieu  nous  a  donnee,  et  le  regime  spirituel  qu'il  a  ordonne  en  son  Eglise:  toutesfois  pource  qu'elles  ne  sont  point  confuses,  et  que  celui  qui  a  tout  empire  (Je  commander,  et  auquel  nous  voulons  rendre  suiection  comme  nous  devons,  a  discerne  l'un  d'avec  l'autre,  nous  declarons  nostre  intention  estre  telle,  qu'on  suive  ce  qui  avoit  este  bien  ordonne,  sans  y  adiouster  ce  qui  est  survenu  depuis  par  corruption.  Secondement,  pour  ce  que  notamment  il  est  dict  qu'en  faisant  election  des  Anciens  du  Consistoire,  les  Ministres  de  la  parole  de  Dieu  y  soyent  appelez  pour  en  communiquer  avec  eux,  et  que  par  usurpation  vicieuse  on  les  avoit  excluz,  et  que  par  ce  moyen  on  a  esleu  quelques  fois  gens  mal  propres  a  tel  office,  dont  l'authorite  du  Consistoire  estoit  venue  a  mespris:  Nous  voyans  que  le  contenu  de  l'Edit  estoit  fonde  en  iuste  raison  et  regle  selon  la  parole  de  Dieu,  d'autant  qu'il  est  bien  convenable  que  les  Pasteurs  en  l'Eglise  soyent  ouys  en  ce  qui  concerne  le  gouvernement  et  police  d'icelle,  et  que  c'est  faire  tort  a  leur  estat  et  ministere,  de  choisir  sans  leur  seu  et  sans  avoir  adverti  ceux  qui  doivent  veiller  d'un  commun  accord  avec  eux,  a  procurer  que  Dieu  soit  honore  et  servi:  Avons  ordonne  que  doresnavant  lesdicts  Ministres  soyent  appelez,  pour  avoir  conseil  et  advis  d'eux,  quelles  gens  il  sera  bon  de  choisir:  et  par  ainsi  qu'on  se  tienne  a  l'Edict  qui  avoit  este  bien  dresse  du  commencement.  [page  53]  Tiercement,  attendu  qu'il  est  dit  indifferemment  par  les  Ordonnances,  qu'on  prendra  pour  Anciens  du  Consistoire  quatre  du  Conseil  des  soixante,  et  six  des  deux  cents,  sans  specifier  citoyens  ni  bourgeois:  et  neantmoins  que  par  ambition  ou  autrement  on  a  restreinct  l'election  aux  citoyens:  Ayans  ouy  la  remonstrance  qui  nous  a  este  faicte  et  mesmes  la  raison  qui  nous  a  este  alleguee,  Que  les  privileges  et  dignitez  qui  se  doivent  reserver  aux  Citoyens,  ne  se  peuvent  comprendre  en  l'estat  spirituel  de  l'Eglise,  et  que  plustost  il  seroit  a  desirer  qu'on  choisist  les  meilleurs  de  tout  le  corps:  Nous  avons  ordonne  quant  a  cest  article,  que  ci  apres  on  n'ait  plus  regard  des  citoyens  a,  bourgeois,  mais  qu'on  se  regle  simplement  a  l'ordonnance  ancienne.  Finalement,  d'autant  que  la  parole  de  Dieu