7:121  121  CONTRE  LES  ANABAPTISTES.  122  mortel  nous  est  comme  une  prison,  pour  abaisser  nostre  ame  si  bas,  comme  captive  aux  choses  terriennes.  Il  est  donc  convenable,  que  quand  elle  est  sortie  d'une  telle  servitude  en  liberte,  qu'elle  soit  plus  disposee  de  contempler  Dieu  plus  privement.  Et  quand  elle  est  soulagee  d'un  tel  fardeau,  qu'elle  soit  plus  allaigre,  pour  s'eslever  a  Dieu.  C'est  donc  une  trop  grande  bestise,  de  les  coucher  mollement,  comme  font  les  Anabaptistes,  pour  les  faire  dormir  iusques  au  iour  de  la  resurrection.  Combien  que  leur  erreur  est  encore  mieux  convaincu  par  ce  que  l'escriture  enseigne  de  nostre  regeneration.  Car  quand  il  plaist  a  Dieu  de  nous  appeller  en  la  participation  de  sa  grace,  il  [page  148]  est  dict  qu'il  nous  faict  nouvelles  creatures.  Comment  cela?  D'autant  que  par  la  vertu  de  sa  parolle  et  de  son  Esprit,  il  mortifie  la  corruption  de  nostre  nature,  nous  faisant  renaistre  pour  vivre  en  son  Royaume.  Oyons  maintenant  quelle  est  l'operation  de  l'un  et  de  l'autre  en  nous.  Sainct  Paul,  en  nous  voulant  consoler,  dict  que  combien  que  le  corps  soit  mort  a  cause  du  peche,  toutesfoys  l'Esprit  du  Seigneur  Iesus  habitant  en  nous,  est  vie,  a  cause  de  la  iustice  (Rom.  8,  10).  Ie  say  que  ceste  vie  n'est  iamais  parfaicte,  pendant  que"  nous  sommes  en  ce  monde  :  mais  puis  que  l'Esprit  de  Dieu  est  une  estincelle  de  vie  laquelle  nous  est  donnee  pour  nous  vivifier  de  plus  en  plus,  iusques  a  ce  que  nous  venions  a  la  perfection:  il  s'ensuit  que  nostre  vie  ne  peut  iamais  estre  esteincte.  Quant  est  de  la  parolle,  sainct  Pierre  en  parle  encore  plus  clairement,  disant,  que  c'est  une  semence  d'immortalite,  voire  une  semence  incorruptible,  que  Dieu  a  mise  en  nous:  afin  de  nous  exempter  de  la  condition  ou  nous  sommes  naturellement  (1  Pierre  1,  23):  qui  est,  comme  dict  Esaie,  que  toute  chair  est  foin,  et  que  la  gloire  de  l'homme  est  comme  la  fleur  de  l'herbe  (Es.  40,  6),  d'autant  que  quand  l'Esprit  de  Dieu  souffle  sur  l'homme,  il  est  incontinent  fletri,  et  desseiche  et  dechet  du  tout.  Or  apres  [page  149]  que  le  Prophete  a  ainsi  parle  de  nous,  il  adiouste  quant  et  quant  au  contraire,  que  la  parolle  de  Dieu  demeure  eternellement.  Sainct  Pierre  allegue  ce  passage  (L  c.  v.  24.  25),  et  expose  que  ceste  eternite  de  la  parolle  de  Dieu  se  demonstre  en  nous,  d'autant  que  par  icelle  nous  renaissons,  l'ayant  en  noz  ames  pour  semence  incorruptible,  laquelle  ne  pourrist  et  ne  desseiche  iamais.  Qu'est-ce  qu'on  peut  expliquer  la  dessus,  que  ce  ne  soit  chose  patente  et  toute  resolue,  qu'estans  regenerez  par  la  grace  de  Dieu  nous  sommes  introduitz  en  son  Royaume,  pour  vivre  en  adherant  a  luy  sans  fin?  "  Mais  il  n'y  a  rien  plus  propre  ne  plus  certain,  pour  nous  bien  resouldre  de  cecy,  que  de  considerer  quelle  conionction  et  unite  nous  avons  avec  nostre  Seigneur  Iesus.  Premierement  nous  savons  qu'au