52:121  121  CAPUT  UL  122  damnat  quamlibet  versutiam  et  omnes  malas  fallendi  artes.  Neque  enim  de  calumniis  tantum  accipio,  sed  generaliter  oppono  sinceritari.  Itaque  brevius  sic  reddere  liceret,  ac  nescio  an  etiam  melius,  ne  mentiamini  alii  aliis.  Prosequitur  autem  suum  illud  argumentum  de  societate  quam  habent  fideles  cum  morte  et  resurrectione  Christi  :  sed  aliis  loquendi  formis  utitur.  Yetus  homo  significat  quidquid  afferimus  ex  utero  matris,  et  quidquid  sumus  natura.  Eum  exuunt  quicunque  renovantur  per  Christum.  Contra,  novus  homo  est  qui  spiritu  Christi  reformatus  est  in  oboedientiam  iustitiae:  vel  natura  in  veram  integritatem  restituta  per  eundem  spiritum.  Vetus  autem  ordine  novum  praecedit,  quia  ex  Adam  prius  nati,  deinde  per  Christum  renascimur.  Quemadmodum  autem  quod  habemus  ex  Adam,  senescit  atque  ad  interitum  inclinat:  sic  quod  per  Christum  consequimur,  perpetuo  manet,  non  est  caducum,  sed  potius  ad  immortalitatem  fertur.  Locus  hic  notandus  est,  quia  ex  eo  colligi  potest  definitio  regenerationis.  Continet  enim  duas  partes,  veteris  hominis  depositionem,  et  instaurationem  novi:  quarum  Paulus  hic  meminit.  Ac  notandum  est,  veterem  hominem  ab  operibus  suis,  tanquam  arborem  a  fructibus,  discerni.  Unde  sequitur,  veteris  hominis  nomine  intelligi  pravitatem  nobis  ingenitam.  10.  Qui  renovatur  in  agnitionem.  Primum  novitatem  vitae  in  agnitione  consistere  docet:  non  quia  simplex  et  nuda  agnitio  sufficiat,  sed  loquitur  de  spiritus  sancti  illuminatione,  quae  viva  est  atque  efficax,  ut  non  tantum  mentem  illustret  accensa  veritatis  luce,  sed  totum  hominem  transformet.  Atque  hoc  est  quod  continuo  addit,  renovari  nos  ad  imaginem  Dei.  Imago  autem  Dei  in  tota  anima  residet,  quum  non  ratio  tantum,  sed  voluntas  etiam  recta  est.  Hinc  etiam  discimus,  tum  quis  finis  sit  regenerationis  nostrae,  hoc  est,  ut  Deo  reddamur  similes,  ac  in  nobis  reluceat  eius  gloria:  tum  quae  sit  Dei  imago,  cuius  mentio  fit  apud  Mosem,  nempe  totius  animae  rectitudo  et  integritas:  ita  ut  homo  sapientiam  Dei,  iustitiam  et  bonitatem  quasi  speculum  repraesentet  Ad  Ephesios  paulo  aliter  loquitur,  sed  eodem  sensu:  vide  locum  cap.  4,  24.  Simul  admonet  Paulus,  nihil  esse  praestantius  quo  adspirent  Colossenses,  quia  summa  haec  sit  nostra  perfectio  et  beatitas,  imaginem  Dei  gestare.  11.  Ubi  non  est  Iudaeus.  Hoc  data  opera  adiecit,  ut  rursus  abstraheret  Colossenses  a  caeremoniis.  Hoc  enim  sonant  verba,  christianam  perfectionem  externis  istis  observationibus  nihil  indigere,  imo  res  esse  ab  ea  penitus  alienas.  Nam  sub  discrimine  praeputii  et  circumcisionis,  Iudaei  et  Graeci,  externa  omnia  comprehendit  per  synecdochen.  Quae  sequuntur,  barbarus,  Scytha,  servus,  liber,  ad  amplificationem  sunt  addita.  Omnia  et  in  omnibus  Christus.  Hoc  est,  Chris-