51:121  121  SUR  L'EPITRE  AUX  GALATES.  122  et  qu'il  n'y  a  que  pollution  en  nous,  et  qu'il  nous  faut  renoncer  a  tout  ce  qui  est  de  nostre  nature,  ou  iamais  nous  ne  cesserons  d'estre  pollus  et  d'estre  condamnez  devant  Dieu:  voila  donc  ce  que  les  Iuifs  devoyent  apprendre  estans  circoncis.  Mais  cependant  iis  avoyent  tesmoignage  que  par  la  semence  humaine  ils  recouvreroyent  leur  salut,  comme  nous  scavons  que  nous  sommes  benits  de  Dieu  au  nom  de  nostre  Seigneur  Iesus  Christ.  Et  pourtant  la  Circoncision  estoit  pour  faire  humilier  les  Iuifs,  et  se  desplaire  en  eux-mesmes,  et  pour  estre  confus,  voyant  qu'il  n'y  avoit  que  malediction  en  leur  nature.  Et  cependant  ce  leur  estoit  aussi  un  tesmoignage  de  la  grace  de  Dieu,  a  fin  qu'ils  le  peussent  invoquer  comme  leur  Pere,  scachant  qu'en  ceste  semence  d'Abraham  qui  estoit  promise,  ils  recouvreroyent  salut.  Voila  (di-ie)  le  vray  usage  et  legitime  de  la  Circoncision.  Or  que  font  ceux-ci  contre  lesquels  parle  sainct  Paul?  Ils  scavent  que  la  Circoncision  n'est  plus  en  usage:  c'est  a  dire  que  depuis  la  venue  de  nostre  Seigneur  Iesus  Christ  le  Baptesme  suffit:  mais  pour  ce  que  les  Iuifs  appeloyent  apostats  tous  ceux  qui  n'estoyent  point  circoncis,  voici  ces  canailles  qui  retiennent  le  signe  sans  la  verite.  Nous  voyons  donc  qu'ils  estoyent  vrais  faussaires,  destournans  la  doctrine  tout  a  l'opposite  de  l'intention  de  Dieu,  quand  il  institua  ce  Sacrement  spirituel,  pour  ce  qu'ils  ne  vouloyent  sinon  plaire  au  monde.  Autant  en  est-il  auiourd'huy.  Et  ceux  qui  taschent  de  renverser  la  verite  de  Dieu,  sont  beaucoup  pires  que  les  adversaires  de  sainct  Paul,  car  encores  il  y  avoit  quelque  couverture  honneste  a  maintenir  la  Circoncision  et  les  figures  de  la  Loy,  d'autant  que  tout  cela  avoit  este  establi  de  Dieu.  Mais  ces  caphards  qui  auiourd'huy  crient  a  pleine  gorge,  il  faut  garder  l'estat  ancien  sans  y  rien  changer,  sur  quoy  sont-ils  fondez?  Ils  ne  peuvent  pas  dire  que  Dieu  soit  autheur  de  cela.  Les  hommes  l'ont  controuve  a  leur  fantasie,  ou  bien  Satan  leur  a  souffle  en  l'oreille:  qu'il  n'y  a  (bref)  sinon  un  labyrinthe  confus  de  tout  ce  qu'on  appele  en  la  Papaute  service  de  Dieu:  ce  sont  autant  de  resveries  que  les  hommes  ont  mises  en  avant,  et  le  diable  en  est  tousiours  le  principal  autheur.  Et  neantmoins  ces  canailles  diront  qu'il  n'en  faut  rien  oster.  Et  a  quoy  regardent-ils  ?  Il  est  vray  qu'ils  allegueront  qu'il  faut  par  ces^  moyens-la  acquerir  la  grace  de  Dieu,  et  que  les  hommes  en  sont  incitez  a  plus  grande  devotion.  Et  puis  ils  intituleront  Sacremens  toutes  les  folles  imaginations  de  leur  teste,  et  diront,  II  faut  observer  telle  chose,  car