50:121  121  CAPUT  X.  122  causa:  sed  tantum  quatenus  in  eius  gloriam  expedit,  qui  ideo  erga  nos  tam  est  liberalis,  ut  sibi  accepta  omnia  ferantur.  Mensura  perveniendi.  Hac  particula  significat  se  verborum  elogiis  minime  indigere  apud  Corinthios,  qui  pars  essent  suae  gloriae  (quemadmodum  alibi  dicit,  vos  estis  corona  mea)  sed  pergit  in  forma  loquendi  iam  coepta.  Habeo,  inquit,  amplissimum  campum  gloriandi,  ut  fines  meos  non  transsiliam:  huius  campi  vos  estis  una  portio.  Perstringit  autem  modeste  eorum  ingratitudinem,  quod  suum  apostolatum  propemodum  negligebant,  qui  Dei  commendatione  debebat  inprimis  esse  honorabilis  apud  ipsos.  Et  subaudienda  est  in  singulis  membris  antithesis  pseudoapostolorum,  quibus  minime  suppetebat  eadem  approbatio.  14.  Non  enim  extendimus.  Alludit  ad  eos  qui  vel  brachia  vi  protendunt,  vel  surrigunt  se  in  pedes,  quum  arripere  volunt  quod  non  est  ad  manum.  Talis  enim  est  ieiuna  gloriae  cupiditas,  imo  saepe  putidior.  Non  enim  tantum  brachia  porrigunt  et  attollunt  pedes  ambitiosi:  sed  praecipites  etiam  feruntur  ad  captandum  gloriandi  praetextum.  Tales  quidem  aemulos  suos  fuisse  subindicat.  Postea  declarat  qualiter  ad  Corinthios  pervenerit:  nempe  quia  suo  ministerio  fundaverat  eorum  ecclesiam,  ideo  dicit  in  evangelio  Christi:  non  enim  vacuus  ad  eos  venerat,  sed  primus  illis  attulerat  evangelium.  Praepositio  in  secus  a  quibusdam  accipitur.  Vertunt  enim  per  evangelium:  qui  sensus  non  male  quadrat:  videtur  tamen  suum  ad  Corinthios  adventum  ornare  Paulus:  quia  tam  pretioso  dono  instructus  fuerit.  15.  In  alienis  laboribus.  Iam  liberius  pungit  pseudoapostolos,  qui,  quum  in  alienam  messem  manus  intulissent,  audebant  tamen  iis  obtrectare,  qui  suo  sudore  ac  industria  locum  illis  paraverant.  Paulus  Corinthiorum  ecclesiam  aedificaverat,  non  absque  maximo  certamine  ac  innumeris  difficultatibus  :  succedunt  isti,  viam  stratam  ianuamque  apertam  inveniunt.  Ut  videantur  aliqui,  sibi  impudenter  arrogant  quod  nullo  iure  illis  competebat:  et  Pauli  labores  elevant.  Spem  autem  habentes.  Iterum  oblique  reprehendit  Corinthios:  quia  sibi  obstaculo  erant  quominus  progressus  maiores  faceret  in  promovendo  evangelio.  Nam  quum  se  sperare  dicit,  c  r  e  s  c  e  n  t  e  eorum  fide,  ampliatum  iri  gloriae  suae  fines:  imbecillitatem  fidei,  qua  laborabant,  in  causa  esse  significat  cur  aliquantulum  fuerit  cursus  suus  retardatus.  Ac  si  diceret:  Nunc  me  decebat  occupari  in  acquirendis  novis  ecclesiis,  idque  vobis  adiuvantibus,  si  profecisset  quantum  oportuit:  nunc  mihi  moram  affertis  vestra  infirmitate.  Spero  tamen  Dominum  daturum  ut  sequatur  maior  in  posterum  in  vobis  profectus:  atque  etiam  ita  augeatur  ministerii  mei  gloria,  secundum  regulam  divinae  voca-