27:121  121  SUR  LE  DEUTER.  CHAP.  XI.  122  dant  d'employer  quelque  temps  a  l'estude  de  ma  doctrine:  mais  vous  n'y  pensez  point:  qui  plus  est,  vous  prenez  occasion  de  vous  en  destourner  pour  le  moindre  empeschement  qui  vous  puisse  advenir.  Et  sur  cela  vous  estes  endurcis  en  tout  mal,  qu'on  ne  vous  peut  reduire,  que  vous  estes  comme  bestes  sauvages.  Voila  donc  le  mespris,  et  l'impiete  dont  nous  sommes  conveincus,  quand  nous  faisons  si  mal  nostre  profit  de  la  doctrine  de  Dieu,  en  laquelle  nous  devrions  nous  exercer  en  tout  temps.  Et  au  reste,  quand  il  parle  cTerc  deviser,  c'est  aussi  pour  taxer  la  meschante  corruption  qui  est  entre  les  hommes,  qui  iamais  ne  se  lassent  de  tenir  de  fols  propos:  mais  quand  il  est  question  de  parler  de  Dieu,  il  faut  qu'on  couppe  broche  incontinent,  et  pensent  que  cela  n'est  que  matiere  de  melancholie.  Et  encores  ne  se  contenteront-ils  point  de  tenir  de  fols  propos:  mais  de  propos  villains,  et  a  condamner,  et  desquels  nous  venons  a  empoisonner  les  uns  les  autres.  Et  ainsi,  c'est  bien  raison  que  nostre  Seigneur  nous  remonstre  que  les  choses  que  nous  aurons  auiourd'huy  ouyes,  il  faut  qu'on  nous  les  ramentoive:  et  puis  que  Dieu  nous  sollicite,  il  faut  qu'un  chacun  pense  a  soy,  et  quand  il  y  a  tant  de  paresse  qui  nous  retarde,  et  voyant  aussi  une  telle  necessite,  et  si  urgente,  et  que  nos  esprits  sont  du  tout  adonnez  a  mal,  et  mesmes  quand  Dieu  les  a  attirez  a  bien,  qu'ils  sont  incontinent  divertis:  que  voyans  cela  nous  prenions  les  aides  qu'il  nous  propose,  quand  il  dit  qu'il  nous  faut  penser  a  sa  Loy  en  nous  levant  du  matin,  et  en  nous  couchant  le  soir,  et  que  nous  en  tenions  les  propos  tout  au  long  du  iour.  Que  nous  sachions  que  ce  n'est  point  sans  cause  que  Dieu  a  ainsi  parle  a  son  peuple,  et  que  c'est  une  instruction  generale  pour  tous  et  en  tous  temps:  qu'il  ne  parle  point  seulement  aux  rudes  et  idiots,  qu'ils  prennent  des  aides  pour  se  refreschir  la  memoire  de  son  nom:  mais  il  dit:  Vous  tous,  que  vous  faciez  cela.  Il  parle  a  ceux  qui  cuident  estre  les  plus  habiles.  Et  ainsi,  que  nul  ne  pense  estre  ici  exempte  :  que  ceux  mesmes  qui  ont  la  charge  d'enseigner  les  autres,  cognoissent  que  ceci  ne  s'adresse  pas  seulement  aux  rudes  et  aux  ignorans  :  mais  qu'il  faut  qu'eux-mesmes  apprennent  a  se  solliciter:  et  que  tous  ensemble  nous  monstrions  que  nous  avons  un  tel  zele  de  profiter  en  la  parolle  de  Dieu,  que  nous  demandons  que  la  memoire  nous  en  soit  iournellement  refreschie:  et  que  cependant  que  nous  serons  en  ce  monde,  nous  sachions  que  c'est  le  principal  exercice  auquel  il  nous  faut  employer.