21:121  121  VITA  CALVINI  122  Natus  est  Ioannes  Calvinus  Novioduni  Veromanduorum  aut  certe  proximorum  Veromanduis  finium  oppido  celebri,  anno  a  D.  nativitate  MDIX,  VI  Idus  Iulii,  patre  Gerardo  Calvino,  matre  Ioanna  Franca,  utroque  honestae  famae  et  mediocribus  facultatibus  parente.  Erat  is  Gerardus  non  paucil)  iudicii  et  consilii  homo,  ideoque  nobilibus  eius  regionis  plerisque  carus:  quod  in  causa  fuit,  ut  inter  Mommorios,  quae  familia  illic  fuit  nobilitate  praecipua  insignis,  liberaliter  admodum,  paterno  tamen  sumptu  Calvinus  filius  a  prima  pueritia  educaretur.  Eos  deinde  Lutetiam  studiorum  gratia  sequutus,  praeceptorem  habuit  in  Gymnasio  Marchiano  Maturinum  Corderium,  spectatae  tum  probitatis  tum  eruditionis  virum,  et  insignem  semper  habitum  in  omnibus  fere  Galliae  scholis  iuventutis  erudiendae  magistrum,  Genevae  demum  eo  ipso  anno  quo  Calvinus,  VI.  Nonas  Septembris  mortuum:  quum  annum  agens  octuagesimum  quintum  eo  docendi  munere  in  hoc  Gymnasio  Genevensi  fungeretur.  Translatus  deinde  in  Gymnasium  ab  Acuto  Monte  cognominatum  Hispanum  habuit  doctorem  non  indoctum:  a  quo  exculto  ipsius  ingenio,  quod  ei  iam  tum  erat  acerrimum,  ita  profecit  ut  caeteris  sodalibus  in  grammatices  curriculo  [A.  6]  relictis  ad  dialectices  et  aliarum  quas  vocant  artium  studium  promoveretur.  Destinarat  autem  eum  pater  ab  initio  theologiae  studiis,  ad  quae  ultro  illum  inclinare  ex  eo  colligebat,  quod  in  illa  etiam  tenera  aetate  mirum  in  modum  religiosus  esset  et  severus  omnium  in  suis  sodalibus  vitiorum  censor:  quod  ex  nonnullis  etiam  catholicis  idoneis  testibus  multis  post  annis,  celebri  iam  eius  nomine,  audire  me  memini.  Itaque  quasi  rebus  sacris  destinato  pater  beneficium  ab  episcopo  Noviodunensi  impetravit  in  ecclesia  cathedrali,  quam  appellant,  ac  deinceps  etiam  parochiae  curationem  in  pago  urbi  vicino,  qui  Pons  episcopi  dicitur,  ex  quo  ortus  ipse  Gerardus  Calvinus  pater  in  urbem  ipsam  postea  transierat:  quo  loco  constat  Ioannem  ipsum  Calvinum,  antequam  Gallia  excederet,  nullis  alioqui  pontificiis  ordinibus  2)  initiatum  aliquot  ad  populum  conciones  habuisse.  Sed  hoc  consilium  interrupit  utriusque  mutatus  animus.  Patris  quidem  quod  iurisprudentiam  certius  iter  esse  ad  opes  et  honores  videret:  filii  vero,  quod  a  cognato  quodam  suo  Petro  Roberto  Olivetano,  cui  Gallicae  ecclesiae  conversa  ex  Hebraeo  Biblia  Neocomi  impressa  debent),  de  vera  religione  admonitus  legendis  sacris  libris  se  tradere,  a  superstitionibus  vero  abhorrere,  ac  proinde  sese  ab  illis  sacris  seiungere  coepisset  Profectus  ergo  iuris  civilis  audiendi  causa  Aureliam,  ubi  tunc  iurisconsultorum  1)  Edd.  recenti,  parvi.  2)  Edd.  recenti,  add.  unquam.