20:121  121  1563  IUL.  122  terea  emergunt  quasi  e  sinu  nostro  audaculi  scriptores,  qui  non  solum  errorum  nebulis  sanae  doctrinae  lucem  obscurant,  vel  pravis  deliriis  simplices  dementant,  ac  minus  exercitatos:  sed  profana  dubitandi  licentia  totam  religionem  sibi  convellere  permittunt.  Nam  quasi  putidis  suis  ironiis  et  cavillis  genuinos  Socratis  discipulos  se  probent,  nullum  illis  magis  plausibile  est  axioma  quam  fidem  esse  liberam,  ut  liceat  quavis  de  re  ambigendo  scripturam  instar  nasi  cerei  (ut  loquuntur)  flexibilem  reddere.  Itaque  hoc  proficient  tandem  qui  illecebris  novae  huius  academiae  capti  nunc  dubiis  speculationibus  indulgent,  ut  semper  discendo  nunquam  ad  scientiam  perveniant  veritatis.7)  Hactenus  de  historiae  utilitate  breviter  quoad  locus  ferebat  disserui  Porro  ut  legis  doctrina,  cuius  obscuritas  antehac  multos  deterruit,  familiariter  innotesceret,  nescio  quam  dextre,  certe  fideliter,  elaboravi.  Erunt,  non  dubito,  qui  uberiorem  locorum  explicationem  desiderent.  Ego  vero,  qui  natura  prolixitatem  fugio,  duas  ob  causas  in  hoc  opere  fui  restrictior.  Nam  quia  isti  quatuor  libri  iam  sua  longitudine  quosdam  deterrent,  veritus  sum  ne,  si  in  ipsis  enucleandis  liberius  stilo  indulgerem,  plus  accederet  fastidii  Deinde  quum  in  progressu  de  vita  saepius  desperaverim,  succinctam  expositionem  dare  malui  quam  mutilam  relinquere.  Videbunt  tamen  sinceri  lectores  sanoque  iudicio  praediti,  sedulo  me  cavisse  ne  quid  perplexum,  ambiguum  vel  obscurum,  astute  aut  negligenter  praetermitterem.  Quum  ergo  scrupulos  omnes  discutere  conatus  fuerim,  non  video  cur  de  brevitate  quispiam  queratur,  nisi  forte  tantum  velit  ex  commentariis  sapere.  Atqui  libenter  patiar  eiusmodi  homines,  quos  nulla  explere  potest  verbositas,  alium  sibi  magistrum  quaerere.  Quod  si  experiri  libeat,  re  ipsa  cognosces  ac  tibi  credes  verissimum  esse  quod  praedico.  Puer  es:  atqui  heus,  quum  reges  proprium  sibi  legis  volumen  scribere  iussisset,  ab  hac  classe  pium  Iosiam  non  exemit:  quin  potius  in  puero  nobilissimum  exstare  piae  eruditionis  specimen  voluit,  quod  senum  socordiam  coargueret.  Et  tuum  exemplum  docet  quantopere  intersit  a  teneris  assuescere.  Nam  ex  radice,  quam  in  te  egerunt  quae  imbibisti  religionis  principia,  non  modo  germen  efflorescit  sed  propemodum  maturitatem  quandam  spirat.  Ergo  ad  eum  qui  tibi  propositus  est  scopum  infatigabili  studio  enitere.  Neque  te  morentur  vel  conturbent  nasuti  homines,  quibus  minime  videtur  tempestivum  pueros  ad  praecocem  hanc  (ut  loquuntur)  sapientiam  vocari.  Quid  enim  absurdius  vel  minus  ferendum  quam,  ubi  te  circumsident  omne  genus  corruptelae,  hoc  remedio  arceri?  Quum  servos  quoque  vestros  corrumpant  aulicae  delitiae,  quanto  summis  7)  Reliqua  non  iterum  edita  sunt