10.1:121  ORDONNANCES.  presentes  savoir  faisons,  sur  ce  que  les  spectables  Ministres  de  la  parole  de  Dieu  en  nostre  Eglise  nous  ont  remonstre  que  certains  abus  s'estoyent  introduits  tendans  k  corrompre  les  ordonnances  Ecclesiastiques  autresfois  passees  en  nostre  Conseil  general.  Et  pour  ce  nous  ont  supplie  et  requis  d'y  vouloir  remedier,  [page  51]  afin  que  s'il  y  a  quelque  bien  commence  entre  nous  il  soit  plustost  avance  que  recule.  Nous  aussi  de  nostre  part,  desirans  qu'il  y  ait  bon  ordre  entre  nous,  et  pour  ce  faire  que  ce  qui  nous  est  monstre  par  la  parole  de  Dieu  soit  conserve  en  son  entier:  pareillement  ayans  cognu  que  ce  qui  avoit  este  ordonne  par  cidevant  est  conforme  k  l'Escriture  saincte,  tellement  qu'on  a  failly  de  s'en  destourner:  affin  de  remedier  au  mal,  et  que  ce  qui  aura  este  bien  estably,  pour  le  temps  advenir  ne  soit  point  change  ne  viole  et  n'aille  en  decadence:  avons  avise  et  arreste  de  faire  sur  les  poincts  a  nous  proposez  telle  declaration  que  s'ensuit.  En  premier  lieu,  d'autant  que  contre  les  ordonnances  de  nostre  Conseil  general  on  a  parcidevant  introduit  une  coustume,  que  l'un  des  quatre  Syndiques  presidast  au  Consistoire  avec  son  baston  (ce  qui  a  plustost  apparence  de  iurisdiction  civile  que  de  regime  spirituel)  afin  de  mieux  garder  la  distinction  qui  nous  est  monstree  en  l'Escriture  saincte  entre  le  glaive  et  authorite  du  Magistrat,  et  la  superintendence  qui  doit  estre  en  l'Eglise,  pour  renger  a  l'obeissance  et  au  vray  service  de  Dieu  tous  requys  dadviser  que  le  Sr.  Sindique  qui  est  la,  y  soit,  tellement  que  la  iuridiction  temporelle  soit  distinguee  davec  la  spirituelle,  veu  aussi  que  les  editz  nen  font  point  mertion  quil  doibve  presider  ou  tenir  iuridiction,  a  este  arreste  que  on  le  pratique  ainsin,  tellement  que  le  Sindique  qui  y  sera  ne  porte  pas  son  baston,  mais  soit  la  comme  ung  des  autres  anciens.  Sus  ce  quilz  ont  requys  que  en  lelection  quant  elle  se  fera  soient  appelez  tous  les  ministres,  comme  le  portent  les  editz:  arreste  puys  que  ledit  le  porte,  quil  soit  aussi  ainsin  pratique.  Quant  a  ce  quilz  ont  requys  pratiquer  que  les  ministres  esleuz  soient  proposez  aux  peuple  et  anuncez,  affin  que  sil  y  a  quelcung  qui  y  puisse  contredire  ou  arguer  iesleu  dincapacite,  quil  soit  ouy,  a  este  arreste  que  cela  soit  fait.  Quant  a  ce  quilz  ont  requys  que  tout  ainsin  que  lesdits  ministres  seront  presentez  au  peuple,  que  le  semblable  soit  fait  des  anciens  du  Consistoire,  affin  que  si  quelcung  les  peut  arguer  dincapacite,  le  face  aussi:  Arreste  que  il  soit  fait  aussi  et  mys  en  200,  et  si  le  200  ne  le  veut  passer  quon  y  appelle  les  ministres  pour  les  ouyr.  Quant  a  ce  quilz  ont  requys  que  ceux  qui  estans  excommuniez  se  porteront  rebelles,  soient  pronuncez  et  publiez  en  leglise,  affin  que  chacun  sabstienne  de  leur  compagnie,  et  aussi  ceux  qui  auront  commys  quelque  scandale  notable  meritant  reparation  publique,  la  facent  en  leglise  selon  la  parolle  de  Dieu:  Arreste  que  aussi  cela  soit  fait  et  mys  en  200.  Quant  a  ce  quilz  ont  requys  de  faire  des  marreaux  de  plomp  pour  bailler  a  ceux  qui  voudront  recevoir  la  cene:  Arreste  quon  ne  passe  pas  encor  cela,  mais  quon  y  pense.