8:120  ce  mot  de  Foy  lequel  nous  avons  en  usage  commun,  lequel  nous  apporte  suffisante  raison  que  c1  est  l'election  de  Dieu  d'ou  dependent  tous  les  biens  que  nous  avons  en  nostre  Seigneur  Iesus  Christ:  c'est  assavoir,  ceste  bonne  volonte  de  Dieu,  par  laquelle  il  nous  eslit  en  nous  donnant  a  Iesus  Christ,  et  Iesus  Christ  a  nous.  Semblablement  nous  voyons  que  suivant  ceste  foy,  quand  nous  voulons  faire  protestation  d'icelle,  nous  mettons  la  bonne  volonte  de  Dieu.  Comme  quand  nous  V  appelons  nostre  Pere  qui  es  es  cieux,  nous  protestons  par  cela,  qu'il  nous  a  donne  tellement  a  cognoistre  sa  bonne  volonte,  que  nous  croyons  fermement  qu'il  est  nostre  Pere,  qu'il  se  veut  demonstrer  tel  envers  nous:  que  nous  ne  sommes  point  ignorans  de  ceste  grande  sagesse  laquelle  il  a  voulu  nous  estre  revelee  en  nostre  Seigneur  Iesus  [page  66]  Christ,  assavoir,  qu'il  nous  a  esleus  et  choisis  devant  que  nous  eussions  cognoissance  de  luy,  voire  devant  que  le  monde  fust  cree:  comme  il  a  este  tresbien  deduit.  Et  mesme  nous  voyons  qu'ayans  proteste  cela,  nous  demandons  que  son  Nom  soit  sanctifie.  Or  il  est  certain  qu'en  cela  nous  approuvons  la  volonte  de  Dieu,  estre  iuste,  bonne  et  droicte,  comme  a  la  verite  elle  est,  en  declarant  que  non  seulement  il  doit  estre  glorifie,  mais  en  tous  ses  actes  il  doit  estre  cogneu  et  aperceu  iuste,  pour  luy  en  rendre  la  louange  qui  luy  appartient.  Autrement  nous  ne  pourrons  pas  contempler  ceste  bonne  volonte  de  Dieu,  sa  bonte  et  misericorde,  de  laquelle  il  a  use  envers  les  siens.  Au  reste,  il  nous  faut  cognoistre  la  bonte  de  Dieu  en  ce  qu'il  veut  estre  nomme  Nostre  Pere,  que  cependant  aussi  nous  le  cognoissions  tout  puissant.  Car  ce  sont  deux  choses  inseparables,  la  puissance  et  la  bonte  de  Dieu.  Et  c'est  le  premier  article  de  nostre  foy,  et  que  nous  devons  croire,  que  nous  confessions  tellement  Dieu  estre  nostre  [page  67]  Pere,  que  cependant  nous  soyons  resolus  de  son  omnipotence:  et  en  cela  nous  avons  a  nous  consoler  grandement  et  a  nous  humilier.  Car  quand  nous  serions  consideree  tous  en  general,  nous