6:120  MINISTER.  An  promiscue  in  omnibus  impletur  haec  gratia?  8)  PUER.  [fol.  74]  Multi  dum  illi  sua  pravitate  viam  praecludunt,  efficiunt  ut  sibi  sit  inanis.  Ita  non  nisi  ad  fideles  solos  pervenit  fructus.  Verum,  inde  nihil  sacramenti  naturae  decedit.  MINISTER.  Regeneratio  autem  unde?  PUER.  A  morte  Christi  et  resurrectione  simul.  Haec  enim  vis  subest  eius  morti,  ut  per  eam  crucifigatur  vetus  homo  noster,  et  naturae  nostrae  vitiositas  quodammodo  sepeliatur,  ne  amplius  vigeat  in  nobis.  Quod  autem  reformamur  in  novam  vitam  ad  obediendum  Dei  iustitiae,  id  est  resurrectionis  beneficium.  MINISTER.  Quomodo  per  baptismum  nobis  haec  bona  conferuntur  ?  PUER.  Quia  nisi  promissiones  illic  nobis  oblatas  respuendo  infructuosas  reddimus,  vescimur4)  Christo,  eiusque  spiritu  donamur.  MINISTER.  Nobis  vero  quid  agendum  est,  ut  rite  baptismo  utamur?  PUER.  Rectus  baptismi  usus  in  fide  et  poenitentia  situs  est:  hoc  est,  ut  statuamus  primum  certa  animi  fiducia,  nos  ab  omnibus  maculis  Christi  sanguine  purgatos,  Deo  placere:  deinde  ut  spiritum  eius  sentiamus  ipsi  in  nobis  habitare:  atque  id  operibus  apud  alios  declaremus:  utque  assidue  nos  in  meditanda  tum  carnis  mortificatione,  tum  iustitiae  Dei  obedientia  exerceamus.  MINISTER.  Si  haec  requiruntur  ad  legitimum  baptismi  usum,  qui  fit  ut  infantes  baptizemus?  PUER.  Non  est  necesse,  ut  baptismum  semper  fides  et  poenitentia  praecedant:  sed  ab  illis5)  tantum  exiguntur,  qui  per  aetatem  iam  sunt  utriusque  capaces.  Satis  ergo  fuerit,  si  infantes,  postquam  adoleverint,  baptismi  sui  vim  exserant.  1)  ld  commence  le  50.  dimanche  dans  ies  edd.  de  1558.  1561.  1563.  1566.  2)  Le  50.  dimanche.  .  Du  Baptesme  des  petis  enfans.  .  Les  promesses  du  peuple  d'Israel  sont  estendues  par  tout  le  monde.  .  A  quelle  condition  on  baptize  les  enfans.  3)  Edd.  rece,  manuales  scribunt:  effectum  suum  habet  haec  gratia.  4)  Sic  princeps  et  Instit.  1550.  Cae~  ter  ae  omnes:  vestimur.  5)  Ed.  princeps  et  plures  aliae  scribunt:  aliis,  quod  reliquae  vel  in  illis  vel  in  iis  mutando  entendant.