52:120  Colossenses,  quae  quotidie  cernuntur:  aut  de  vindicta  quam  semel  denuntiavit  impiis,  et  quae  illis  imminet:  non  tamen  patefiet  ante  ultimum  diem.  Quamqam  libenter  recipio  priorem  illum  sensum,  quod  Deus,  qui  perpetuus  est  mundi  iudex,  scelera,  de  quibus  agitur,  punire  soleat  Nominatim  vero  super  incredulos  aut  inoboedientes  dicit  venturam  esse  iram  Dei,  aut  solere  venire  potius  quam  ut  ipsis  tale  quiddam  minetur.  Nam  Deus  iram  suam  in  reprobis  conspicere  nos  mavult,  quam  in  nobis  eam  sentire.  Promissiones  quidem  gratiae  quum  proferuntur  in  medium,  unusquisque  piorum  non  secus  eas  amplecti  debet,  ac  si  proprie  destinatas.  Minas  autem  irae  et  exitii  ita  horreamus,  ut  quae  in  reprobos  competant,  nobis  sint  documento.  Irasci  quidem  saepe  etiam  filiis  dicitur  Deus:  et  severe  eorum  peccata  interdum  castigat.  Sed  hic  de  aeterno  exitio  agit  Paulus,  cuius  speculum  in  solis  reprobis  apparet.  In  summa,  quoties  minatur  Deus,  quasi  oblique  poenam  nobis  ostendit,  ut  eam  in  reprobis  intuentes  a  peccando  absterreamur.  7.  In  quibus  ambulabatis.  Male  Erasmus,  qui  ad  homines  retulit,  vertens,  inter  quos.  Nam  de  vitiis  procul  dubio  Paulus  intellexit:  in  quibus  dicit  versatos  esse  Colossenses  quo  tempore  in  illis  vivebant.  Nam  vivere  et  ambulare  inter  se  differunt,  quemadmodum  potentia  et  actus:  vivere  praecedit,  ambulare  sequitur.  Ad  Galatas  capite  5,  25:  Si  vivitis  spiritu,  etiam  spiritu  ambulate.  His  verbis  significat  indignum  esse,  si  amplius  addicti  vitiis,  quibus  mortui  sunt  per  Christum,  ad  ea  ferantur.  Vide  caput  sextum  ad  Romanos.  Argumentum  est  a  privatione  causae  ad  effectus  privationem.  8.  Nunc  autem,  ete.  Postquam  desiistis  in  carne  vivere  scilicet.  Nam  haec  mortificationis  vis  ac  natura  est,  ut  in  nobis  exstinguantur  omnes  corrupti  affectus,  ne  posthac  solitos  fructus  in  nobis  peccatum  gignat.  Ubi  indignationem  reddidi,  graece  est  ftofjioc  :  quod  nomen  magis  praecipitem  excandescentiam  significat,  quam  sit  opyfy  Hic  autem  diversas  a  prioribus  vitiorum  species  recenset,  ut  videre  promptum  est.  9.  Ne  mentiamini  alii  adversus  alios,  postquam  exuistis  veterem  hominem  cum  actionibus  suis:  10.  et  induistis  novum,  qui  renovatur  in  agnitionem,  secundum  imaginem  eius  qui  creavit  eum:  ll.  ubi  non  est  Graecus  nec  Iudaeus,  circumcisio  nec  praeputium  :  barbarus,  Scytha,  servus,  liber:  sed  omnia  et  in  omnibus  Christus.  12.  Induite  igitur,  tanquam  electi  Dei,  sancti  et  dilecti,  viscera  miserationum,  comitatem,  humilitatem,  mansuetudinem,  tolerantiam,  13.  sufferentes  vos  mutuo,  et  condonantes  si  quis  adversus  alium  litem  habeat  :  quemadmodum  Christus  condonavit  vobis,  ita  et  vos.  9.  Ne  mentiamini.  Quum  mentiri  prohibet,