44:120  est  tale  obsequium  pro  nihilo  duci  coram  Deo.  Vult  enim  ingenue  a  nobis  coli  :  et  diligit  hilarem  datorem,  quemadmodum  dicit  Paulus  (2.  Cor.  9,  7)*  Caeterum,  quia  plerumque  homines  pro  sua  ruditate  non  possunt  primo  die  vel  momento  perduci  ad  illam  ingenuitatem,  ut  gratis  sese  addicant  Deo,  necesse  est  initium  fieri  ab  aliis  rudimentis,  quemadmodum  hic  propheta  terrenum  et  quotidianum  victum  promittit  Iudaeis:  quia  scilicet  videbat  non  posse  ipsos  primo  statim  gradu  in  coelum  usque  conscendere:  sed  noluit  tamen  finem  facere,  donec  eos  altius  attolleret.  Sciamus  ergo  hoc  fuisse  duntaxat  exordium,  ut  discerent  Deum  timere,  et  sperare  ab  ipsius  benedictione  quidquid  optandum  erat:  deinde  ut  excuterent  suam  socordiam,  qua  fuerant  nimis  obstupefacti  ante  illud  tempus.  Denique  aliter  Deus  rudes  et  elementarios  tractat,  qui  nulla  adhuc  pietatis  doctrina  imbuti  sunt,  vel  qui  similes  sunt  brutis  pecudibus:  aliter  autem  tractat  discipulos  suos,  qui  assuefacti  sunt  ad  solidam  doctrinam��  Quum  dico  sic  prophetam  egisse  cum  Iudaeis,  non  loquor  de  tota  gente,  sed  expendo  quod  vidimus  ab  initio  libri,  Iudaeos  scilicet  tunc  nihil  aliud  curasse,  nisi  ut  domos  suas  exstruerent:  et  ita  nullum  fuisse  pietatis  studium  apud  ipsos.  Quum  ergo  fere  sepulta  esset  Dei  memoria,  quum  templum  esset  desertum,  et  fervor  suus  unumquemque  impelleret  ad  structuram  propriae  domus,  hinc  colligimus  quam  fuerint  crasso  ingenio.  Non  mirum  est  igitur,  quod  propheta  hunc  tenet  ordinem  erga  ipsos.  Pergamus  :  21.  Et  fuit  (postea  fuit)  sermo  Iehovae  secundo  ad  Chaggai,  vicesimo  quarto  mensis,  dicendo,  22.  Dic  ad  Zerubbabel  ducem  Iehuda,  dicendo:  Ego  concutio  coelos  et  terram.  23.  Et  evertam  solium  regnorum^  et  perdam  robur  regnorum  gentium:  et  evertam  quadrigam  et  sessores  eius:  et  descendent  equi  et  sessores  eorum  quisque  in  gladio  fratris  sui.  24.  In  die  illa,  dicit  Iehova  exercituum,  sumam  te  Zerubbabel  fili  Sealthiel  serve  mi,  dicit  Iehova:  et  ponam  te  quasi  annulum,  quia  elegi  te,  dicit  Iehova  exercituum.  Iam  longius  progreditur  propheta  noster.  Est  enim  haec  vere  gratuita  et  spiritualis  promissio,  qua  Deus  affirmat  sibi  curam  fore  populi  sui  usque  in  finem.  Iam  non  agit  de  vino  et  tritico,  ut  pascat  famelicos,  sed  ostendit  se  fore  aeternum  patrem  illius  populi,  quia  neque  possit  neque  velit  oblivisci  foederis,  quod  pepigit  cum  ipsorum  patribus.  Nec  dubium  est,  quin  designet  Christum  in  persona  Zerubbabel,  quemadmodum  videbimus.  Sic  ergo  distinguere  convenit  hoc  vaticinium  a  proximo  :  quod  nuper  ostendit  Deus  sibi  placere  cultum  quem  aa