31:120  cito  praeveniat,  lentus  et  segnis  videtur.  Verum  si  locum  dare  cupimus  eius  auxilio,  domandus  est  fervor  noster,  sedanda  impatientia,  mitigandi  dolores,  usquedum  miseriae  nostrae  Dei  gratiam  provocent.  Ne  pergat  amplius.  Iterum  Dei  potentiam  ad  frangendos  impios  commendat,  ut  inter  tumultuosos  eorum  impetus  firmum  nobis  maneat  istud  principium,  simul  ac  Domino  visum  fuerit,  evanidum  fore  quidquid  moliuntur.  Verbum  p"l^  quidam  in  neutro  genere*  accipiunt,  ut  sit  sensus,  ne  amplius  mortalis  homo  timeat.  Sed  ratio  postulat  transitive  exponi:  nec  absurdum  est,  impios,  licet  capita  supra  nubes  extollant,  vocari  mortales,  vel  homines  multis  aerumnis  obnoxios:  quia  oblique  hoc  modo  perstringitur  vesana  eorum  audacia,  dum  suae  sortis  obliti  atroces  minas  spirant,  efflant  horrendos  terrores,  perinde  ac  si  eorum  libidini  reprimendae  ne  Deus  quidem  sufficeret.  Particula  etiam  e  terra,  tacitam  continet  antithesin  inter  humile  terrae  domicilium,  et  coelorum  altitudinem.  Unde  enim  oppugnandos  Dei  filios  prodent?  e  terra  scilicet,  perinde  ac  si  vermiculi  e  terrae  fissuris  emergerent.  Atqui  hoc  modo  Deum  ipsum  impetunt,  qui  e  coelo  auxilium  servis  suis  promittit.  PSAIMUS  XI.  ARG.  Duae  sunt  huius  Psalmi  partes:  in  priore  refert  David  quam  duros  exceperit  tentationum  insultus,  et  quanta  anxietate  constrictus  fuerit  quo  tempore  eum  persequebatur  Saul.  Deinde  sibi  de  salute  divinitus  oblata  gratulatur,  Deique  institiam  in  mundo  regendo  praedicat.  1.  Praefecto  Psalmus  Davidis.  2.  In  Iehova  confido:  quomodo  dicitis  animae  meae,  migrate  in  montem  vestrum  sicut  avis?  3.  Certe  ecce  impii  tendent  arcumy  aptarunt  sagittas  super  nervum,  ut  iaculentur  in  occulto  contra  rectos  corde.  4.  Certe  fundamenta  destructa  sunt:  iustus  quid  fecit.  1.  (In  Iehova  ete.)  Omnes  fere  interpretes  querimoniam  esse  putant,  in  qua  David  populares  suos  accuset,  quod  latebras  ubique  quaeritans  nihil  usquam  humanitatis  inveniat.  Et  verum  quidem  est,  quum  huc  et  illuc  erraret  Saulis  saevitiam  fugiens,  nusquam  tutum  illi  fuisse  perfugium,  saltem  ubi  diu  quietus  staret.  Quare  merito  cum  sua  gente  expostulare  potuit,  quod  nullus  hospitio  profugum  excipere  Signatus  esset.  Sed  ego  altius  eum  respicere  existimo,  nam  quum  certatim  omnes  ad  desperationem  eum  impellerent,  necesse  fuit  pra  carnis  infirmitate  non  leviter  eum  percelli,  sed  fide  munitus,  intrepide  et  constanter  in  Dei  promissiones  recubuit,  ut  tentationibus  minime  cederet.  Has  spirituales  luctas  nunc  commemorat,  quibus  inter