21:120  haberi,  qui  tamen  quoties  libet  Sanctorum  cultores  ut  idololatras  reprehendamus.  Clamant,  inquam,  isti  quantum  et  quamdiu  volent.  Habemus  quod  illis  regeramus:  nempe  longe  aliud  esse  vere  sanctorum  hominum  labores  pro  religione  susceptos,  dicta  denique  et  facta  commemorare,  (quarum  rerum  cognitione  boni  meliores  evadant,  improbi  vero  redarguantur,  qui  nobis  unus  est  scopus  in  hoc  scriptorum  genere),  quam,  ut  ipsi  faciunt,  partim  vere  sanctorum  hominum  vitam  non  minus  impiis  quam  ineptis  narrationibus  (ut  quod  Abdias  ille  nescio  quis  in  Apostolorum  historia  fecit)  dedecorare,  partim  ex  putidissimis  mendaciis  fabulosas  historias  (quas  vulgo  Legendas  aureas  barbaro  vocabulo,  ego  Ablegandas  stercoreas  appello)  conflare,  ac  tandem  etiam  veterum  deorum  idola  mutatis  tantum  nominibus  in  usum  revocare.  Tam  igitur  absumus  ab  istis  mortuorum  cultoribus,  quam  tenebrae  luci  repugnant.  Illud  enim  severissimis  additis  comminationibus  prohibet  Dominus:  nos  Deo  iubenti  in  ipsius  opera  corporis  et  mentis  oculos  intendere  obsequimur.  Nemo  enim  est,  opinor,  qui  non  homines  inter  omnia  Dei  opera,  et  rursum  inter  caeteros  mortales  eos,  qui  sanctitate  simul  ac  doctrina  pollent,  maxime  nobis  cognoscendos  et  observandos  esse  fateatur.  Non  temere  certe  Daniel  stellis  comparat  sanctos  Dei  homines,  (Dan.  12.  v.  3)  qui  felicitatis  iter  suo  splendore  caeteris  commonstrent:  quorum  fulgorem  qui  totum  exstingui  morte  patiuntur,  digni  sunt  quos  tenebrae  rursum  multo  quam  antea  densiores  invadant.  Caeterum  ne  illos  quidem  placuit  imitari,  qui  dum  bttosuautav  et  7tav?jfvqixov  illud  dicendi  genus  sectantur,  veritatem  non  tam  exornarunt,  quam  suspectam  nonnullis  reddiderunt.  Itaque  non  quam  ornate,  sed  quam  vere  scriberem  laborans,  simplici  potius  narratione  utendum  putavi.