7:12  12  ARTICULUS  IV.  De  iustitia  operum.  Ad  haec  peccatorem  non  sola  fide,  sed  et  bonis  operibus  iustificari:  quae  adeo  necessaria  sunt,  ut  sine  illis  nemo  adultus  vitam  consequatur  aeternam.*)  Probatur  sic:  Primum  ratione  philosophica,  quia2)  iustitia  est  qualitas,  ideo  nullus  esfe  iustus  extra  se,  sed  propter  qualitatem  operum.  Item,  eadem  ratio  partis  quoad  partem,  quae  totius  quoad  totum.  Sed  perfecta  obedientia  legis  est  iustitia.  Ergo  partialis  obedientia  est  portio  iustitiae.  Quod  autem  Lutherani  ponunt  iustificationem  fidei  in  praedicamento  relationis,  dicentes  quod  ideo  iusti  sumus,  quia  Deus  habeat  nos  gratos  in  Christo,  secundum  quod  Paulus  docet  ad  Ephesios,  illud  est  contra  omnem  rationem  philosophiae.  Item,  quod  negant  illud  principium  de  proportione  totius  et  partis  in  hac  materia  valere:  quia  Deus  non  promittat  mercedem,  nisi  implentibus  legem  suam,  maledictos  pronunciet,  qui  transgrediuntur  in  aliquo:  dico,  quod  contra  negantem  principia,  non  est  arguendum.  Item,  nos  habemus  pro  nobis  unam  aliam  demonstrationem.  Contrariorum  eadem  est  disciplina:  sed  nos  damnamur  propter  mala  opera:  ergo  iustificamur  propter  bona.  Quod  autem  Lutherani  replicant,  unum  solum  malum  opus  sufficere  ad  damnationem,  sed  ad  salutem  requiri  perfectionem  iustitiae:  respondeo,  quod  sufficit  nos  pro  parte  iustificari  operibus,  ut  supra.  Nam  quod  Paulus  dicit,  Stipendium  peccati,  mors;  gratia  autem  Domini,  vita  aeterna:  supplendum  est  in  secundo  membro:  cuin  meritis  operum.  Sequitur  etiam  alia  demonstratio,  quia  merces  et  meritum  sunt  correlativa.  Sed  Deus  promittit  nobis  mercedem  pro  bonis  operibus:  ergo  opera  merentur  vitam  aeternam.  Et  per  consequens  iustificant  hominem.  Quod  autem  Lutherani  derident  hoc  argumentum,  quia  dicunt  opera  ideo  remunerari  a  Deo,  quia  accepta  sint  illi  postquam  gratis  iustificavit  hominem:  et  ideo  dicunt  hoc  praemium  pendere  a  gratuita  acceptatione,  et  propterea  debere  subordinari  iustitiae  fidei,  tanquam  effectum  causae  suae:  respondeo,  quod  hic  modus  argumentandi  semper  fuit  practicatus.  Et  ideo  est  authenticus  per  longam  consuetudinem:  quod  si  Deus  remuneratur  opera,  ergo  iustificant.  ANTIDOTUM.  Haec  sunt  Pauli  verba  (Rom.  4,  14):  Si  ex  lege  haereditas,  exinanita  est  fides,  et  abolita  pro-  1)  aeternam  om.  1576  seqq.  2)  quia  om.  1576  seqq.