55:12  canam  Dei  maiestatem  transfertur.  Sed  tamen  haec  quae  sensibus  nostris  conspicua  sunt,  apte  ad  Deum  accommodantur,  ut  sciamus  quid  in  Christo  quaerendum  sit,  et  quid  nobis  utilitatis  afferat.  Nam  hoc  quoque  notandum  est,  non  hic  doceri  frivolas  speculationes:  sed  tradi  solidam  fidei  doctrinam.  Quare  debemus  in  usum  nostrum  haec  Christi  elogia  applicare:  sicuti  ad  nos  relationem  habent.  Dum  igitur  audis  filium  esse  splendorem  paternae  gloriae,  sic  apud  te  cogita,  gloriam  patris  esse  tibi  invisibilem  donec  in  Christo  refulgeat:  ideo  vocari  characterem  substantiae,  quod  patris  maiestas  sit  recondita  donec  se  veluti  in  imagine  impressam  ostendat.  Qui  hac  relatione  non  observata,  altius  philosophantur,  frustra  se  macerant,  quia  non  tenent  apostoli  consilium.  Neque  enim  hic  tradere  voluit  quid  simile  intus  habeat  pater  cum  filio:  sed  quemadmodum  dixi,  fidem  nostram  aedificare  cum  fructu  voluit:  ut  discamus,  non  aliter  Deum  nobis  patefieri  quam  in  Christo.  Tam  enim  in  Dei  essentia  immensus  est  fulgor,  ut  oculos  nostros  perstringat  donec  irradiet  nos  in  Christo.  Unde  sequitur,  nos  caecutire  ad  lucem  Dei,  nisi  in  Christo  nobis  affulgeat.  Haec  vere  utilis  est  philosophia,  ex  serio  fidei  sensu  et  experimento  discere  Christi  excellentiam.  Idem  (ut  iam  dixi)  et  de  charactere  sentiendum  est.  Nam  quum  Deus  per  se  nobis  sit  incomprehensibilis,  in  filio  demum  eius  forma  nobis  apparet.  Ergo  aitaoyaa|  jia  hic  nihil  aliud  significat  quam  lumen  visibile,  aut  refulgentiam,  cuius  oculi  nostri  sint  capaces:  et  yjxp7.Y.x:s\p}  vivam  formam  occultae  substantiae.  Priore  voce  admonemur,  extra  Christum  nihil  esse  lucis,  sed  meras  tenebras.  Nam  quum  Deus  unica  lux  sit,  qua  nos  omnes  illuminari  oportet,  hac  tantum  irradiatione  (ut  ita  loquar)  se  in  nos  diffundit.  Secundo  admonemur,  vere  et  solide  Deum  in  Christo  cognosci.  Neque  enim  obscura  est  vel  adumbrata  eius  imago  duntaxat:  sed  expressa  effigies  quae  ipsum  refert,  quemadmodum  nummus  matricem  cunei,  quo  percussus  est,  formam.  Quamquam  plus  etiam  dicit  apostolus:  nempe  patris  substantiam  quodammodo  Christo  insculptam  esse.  Nomen  OTCoaTaasoec,  quod  ego  alios  sequutus,  verti  substantiam  (meo  iudicio)  non  esse  vel  essentiam  patris  denotat,  sed  personam.  Nam  illud  absurde  diceretur,  Dei  essentiam  in  Christo  impressam  esse:  quum  eadem  sit,  et  quidem  simplex  utriusque  essentia.  Sed  vere  apteque  dicitur,  quidquid  proprium  habet  pater,  in  Christo  expressum  esse:  ut  qui  hunc  tenet,  quidquid  in  patre  est,  simul  teneat.  Atque  in  hac  significatione  orthodoxi  patres  hypostasin  usurpant:  ut  triplex  in  Deo  sit,  unica  vero  ooaia.  Et  Hilarius  passim  latinum  nomen  substantiae  pro  persona  accipit.  Caeterum  etsi  hic  non  est  propositum  apostolo,  disserere  qualis  in  se  sit  Christus,  sed  qualem  se  nobis  re  ipsa  declaret:  tamen  Arianos  et  Sabel-