54:12  perle  entre  les  autres,  s'est  tenu  en  ce  degre  d'enfant,  ie  vous  prie,  que  sera  ce  de  ceux  qui  a  grand'  peine  sont  a  l'a  b  c?  Et  neantmoins  nous  voyons  auiourd'huy  un  tel  orgueil  qu'il  n'est  point  question  de  modestie  ne  de  sobriete:  c'est  honte  a  ceux  qui  se  veulent  reclamier  Chrestiens,  de  s'assuiettir  a  nul  ordre  ni  police.  Or  tant  y  a  que  cest  exemple  qui  nous  est  ici  donne,  monstre  qu'une  telle  arrogance  ne  demeurera  point  impunie  devant  Dieu  parquoy  retenons  ce  qui  a  desia  este  dit,  c'est,  puis  qu'il  plaist  a  Dieu  de  mettre  en  la  bouche  des  hommes  la  semence  de  vie,  et  qu'il  veut  que  nous  soyons  renouvelez  par  icelle,  qu'un  chacun  s'assuiettisse  a  cest  ordre-la:  et  quand  nous  aurons  este  enseignez  par  les  hommes,  que  nous  facions  un  tel  hommage  a  Dieu,  que  nous  monstrions  que  nous  ne  laissons  pas  d'accepter  sa  Parole,  encores  que  ce  soit  un  thresor  en  un  vaisseau  fragile  et  de  nul  prix,  comme  sainct  Paul  en  parle  aux  Corinthiens.  Venons  au  reste.  Il  dit,  Grace,  misericorde,  et  paix  de  par  Dieu  le  Pere,  et  de  par  nostre  Seigneur  Iesus  Christ  II  est  vray  que  ces  deux  mots  Grace  et  paix  j  sont  bien  quasi  en  toutes  les  salutation  s  que  fait  sainct  Paul  en  ses  Epistres.  Yci  il  entrelace  le  mot  de  Misericorde.  Quand  il  parle  de  la  grace  de  Dieu,  il  entend  son  amour,  qu'il  nous  soit  propice,  et  qu'il  nous  accepte.  Mais  d'autant  que  cela  ne  se  peut  faire  que  par  sa  misericorde,  il  a  exprime  ici  ce  qu'il  a  touche  plus  en  brief  aux  autres  passages.  Notons  bien  donc  que  sainct  Paul  sous  le  mot  de  Misericordes  nous  a  voulu  ramener  a  ceste  source  de  la  grace  de  Dieu.  Comment  est-ce  que  Dieu  nous  favorise?  Comment  est-ce  que  nous  luy  sommes  agreables?  Quand  ceste  question  est  mise  en  avant,  entrons  en  examen  de  nos  personnes  et  nous  verrons  qu'il  n'y  a  en  nous  que  misere,  c'est  un  abysme  horrible  de  toute  povrete.  Comment  doncques  Dieu  nous  aimera-il?  Comment  pourrons-nous  trouver  grace  envers  luy,  si  ce  n'est  qu'il  ait  pitie  et  compassion  de  nos  povretez?  Et  pourtant  (comme  i'ay  desia  declare)  la  misericorde  de  Dieu  est  l'origine  et  la  source  de  la  grace  et  de  l'amour  qu'il  nous  porte,  quand  il  luy  plaist  nous  aimer,  et  nous  recevoir  comme  un  pere  ses  enfans.  Pour  estre  donc  aidez  de  Dieu,  et  afin  qu'il  nous  soit  propice,  il  faut  premierement  qu'il  nous  aime.  Mais  comment  cela?  Par  sa  bonte,  pource  qu'il  n'y  a  en  nous  sinon  toute  misere*  Voyant  que  nous  sommes  povres  creatures  et  damnees,  qu'il  n'y  a  nul  espoir  de  salut,  il  ouvre  les  entrailles  de  sa  misericorde  (comme  l'Escriture  ea  parle),  il  desploye  une  affection  de  toute  bonte,  que  n'ayant  point  esgard  a  ce  que  nous  sommes  indignes,  il  prend  occasion  de  nous  aimer,  d'autant  qu'il  voit  que  nous  sommes  perdus.  Voila  mes  creatures,  et  cependant  Satan  domine  dessus:  les