53:12  lieu  il  plaise  a  Dieu  de  nous  recevoir  en  sa  grace,  et  puis  de  nous  envoyer  les  choses  qui  nous  sont  necessaires  et  utiles.  Il  est  vray  que  nostre  nature  tendra  tout  au  contraire,  tout  ainsi  qu'un  malade  sera  plus  presse  de  sa  passion  qu'il  ne  sera  point  de  la  cause  du  mal.  Ainsi  quand  nous  prions  Dieu,  nous  luy  demandons  bien  qu'il  nous  donne  du  pain  a  manger,  qu'il  nous  envoye  toutes  nos  necessitez:  si  nous  sommes  malades,  qu'il  nous  donne  guerison  :  et  si  nous  avons  faute  de  quelque  chose,  qu'il  nous  l'envoye.  Voila  comme  nous  irons  tousiours  au  rebours  en  priant  Dieu.  Or  nous  oublions  ce  qui  est  le  principal,  ascavoir  son  amour  et  sa  grace,  et  nous  arrestons  aux  choses  inferieures.  L'un  demandera  d'estre  riche,  l'autre  voudra  avoir  ce  que  son  appetit  porte.  Brief  nous  sommes  si  pervers  en  nos  desirs,  que  nous  ne  cognoissons  pas  ce  qui  nous  est  bon.  Pour  ceste  cause,  que  nous  suivions  ceste  regle-ci,  c'est  que  quand  nous  invoquerons  Dieu,  nous  luy  demandions  devant  toutes  choses  qu'il  luy  plaise  nous  estre  propice,  et  en  nous  pardonnant  nos  fautes,  nous  recueillir  a  soy:  et  puis,  qu'il  nous  gouverne,  et  qu'il  nous  conduise  en  tout  et  par  tout.  Il  est  vray  qu'il  nous  faut  estre  conduits  et  gouvernez  par  son  sainct  Esprit,  si  nous  le  voulons  bien  prier  comme  S.  Paul  le  monstre:  mais  cependant  si  ne  faut-il  pas  aussi  mespriser  ceste  facon  qui  nous  est  ici  declaree.  Quant  a  ce  mot  de  misericorde^  S.  Paul  n'en  use  point  en  toutes  les  autres  epistres.  Et  pourquoy  est-ce  donc  que  plustost  il  l'a  mis  ici,  sinon  d'autant  qu'il  a  desploye  son  affection  plus  grande  qu'aux  autres  lieux?  Tant  y  a  que  ce  mot  de  misericorde  n'emporte  rien  plus  sinon  une  declaration  plus  certaine  que  veut  dire  ce  mot  de  grace:  car  la  misericorde  de  Dieu  est  cause  de  ce  qu'il  nous  aime.  Et  pourquoy?  Qu'est-ce  que  Dieu  trouvera  en  nous  sinon  toute  misere?  S'il  nous  vouloit  aimer  pour  nostre  dignite,  il  faudroit  que  nous  fussions  du  tout  autres  que  nous  ne  sommes.  Notons  bien  donc,  quand  Dieu  nous  recoit  en  son  amour,  qu'il  n'y  a  rien  qui  l'induise  a  cela,  sinon  nos  miseres.  Et  il  y  a  une  correspondance  entre  les  miseres  des  hommes  et  la  misericorde  de  Dieu.  Et  ainsi  donc,  voulons-nous  estre  aimez  de  luy?  il  faut  commencer  par  ce  bout,  c'est  de  sentir  combien  nous  sommes  miserables  creatures,  et  que  nous  sommes  perdus  et  damnez.  Ceux  qui  voudront  esperer  salut,  et  ne  sentiront  point  leurs  povretez,  c'est  autant  comme  si  quelqu'un  vouloit  sauter  par  dessus  les  nues.  Apprenons,  apprenons,  quel  est  le  chemin  pour  parvenir  a  ceste  grace  de  Dieu,  c'est  que  nous  soyons  convaincus  de  nos  povretez,  et  qu'estans  confus  en  nous-mesmes,  d'autant  qu'il  n'y  a  que  toute  iniquite  et  malice  en  nous,  la  dessus  nous  ayons  recours  a  la  misericorde  et  pitie  infinie