51:12  l'Evangile  pleinement  esteinte.  Quand  ou  void  cela,  o  ie  ne  veux  point  la  me  fourrer.  Et  com*  ment?  Que  ie  soye  ennemi  de  tout  le  monde?  et  ne  voit-on  pas  qu'il  n'y  a  qu'une  poignee  de  gens  qui  ayent  gouste  ceste  doctrine,  et  tous  les  autres  en  sont  ennemis,  ou  bien  ils  la  reiettent,  ou  ils  s'en  moquent,  ou  bien  ils  sont  envenimez  du  tout  a  l'encontre?  Voila  donc  comme  bien  peu  sont  confermez  iusques  la  de  soustenir  les  hurts  de  l'Evangile  quand  ils  voyent  qu'il  y  a  comme  des  barres,  et  que  Iesus  Christ  est  empesche  par  Satan  et  par  les  pratiques  de  ses  supposts.  O  voila  il  s'en  faut  retirer:  mesmes  combien  en  voit  on  auiourd'huy  qui  diront  que  ceste  doctrine  apporte  tant  de  scandales?  Apres  voila  des  opinions  diverses,  voila  un  tel  qui  parle  ainsi.  Et  puis  quand  les  meschans  qui  vendent  auiourd'huy  leurs  langues  (comme  des  putains  s'exposent  au  bourdeau),  qui  se  viendront  la  ietter  pour  blasphemer  a  l'encontre  de  Dieu  et  de  sa  parole,  quand  ceux  la  donc  trouveront  quelque  couverture  pour  mespriser  ou  reietter  l'Evangile,  incontinent  voila  beaucoup  de  poures  gens  qui  auront  ia  langue  affilee  pour  dire,  Et  quoy?  nous  voyons  les  grans  scandales  que  ceste  doctrine  ici  apporte,  voire,  mais  il  ne  faudroit  plus  que  Iesus  Christ  fust  ce  qu'il  s'attribue  en  l'Escriture  saincte,  sinon  que  l'Evangile  apportast  beaucoup  de  scandales.  Mais  si  ne  nous  faut-il  pas  en  estre  estonnez,  plustost  surmontons  les.  Voila  ce  que  nous  avons  a  retenir  de  ce  passage  quand  sainct  Paul  dit  que  iamais  nous  ne  persisterent  en  la  foy  de  l'Evangile,  sinon  que  nous  soyons  armez  de  ceste  constance  pour  laisser  faire  a  Satan,  et  cependant  ne  point  nous  destourner  de  nostre  chemin.  Il  est  vray  qu'en  temps  qu'en  nous  est  (comme  desia  nous  avons  dit)  nous  devons  fuir  tous  scandales,  aller  au  devant  et  les  repousser.  Et  desia  nous  avons  veu  ci  dessus  comme  chacun  s'y  doit  porter,  et  mesmes  le  Prophete  Isaie  parlant  de  la  predication  de  l'Evangile,  dit  qu'il  faut  que  la  voye  soit  applanie,  et  que  ce  qui  estoit  bossu  et  tortu  auparavant  soit  egale.  Et  bien  nous  devons  mettre  toute  peine  a  cela:  mais  cependant  puis  que  Dieu  nous  veut  humilier,  et  qu'il  faut  qu'il  y  ait  des  scandales  et  des  troubles,  et  qu'il  ne  se  peut  faire  que  Iesus  Christ  ne  regne  au  milieu  de  ses  ennemis,  passons  outre,  et  despitons  toutes  les  practiques  de  Satan,  et  ne  soyons  point  pourtant  desgoustez  de  l'Evangile,  quand  nous  verrons  qu'il  sortira  beaucoup  de  scandales  en  ce  monde.  Or  sainct  Paul  ayant  ainsi  parle,  adiouste,  A  la  mienne  volonte  que  tous  ceux  qui  vous  troublent,  soyent  retranchez.  Il  semble  bien  de  prime  face  que  sainct  Paul  s'esmeuve  ici  trop  en  colere,  quand  il  demande  que  tous  ceux  qui  sement  leurs  zizanies