49:12  suum  apostolatum  ad  omnes  gentes.  Mox  apertius  Romanorum  apostolum  se  vocat,  quum  ait,  comprehendi  et  ipsos  in  numero  gentium,  quibus  datus  sit  minister.  Porro  commune  habent  mandatum  apostoli  de  praedicando  evangelio  per  universum  orbem  :  neque  certis  ecclesiis,  ut  pastores  et  episcopi,  praeficiuntur.  Paulus  autem  praeter  generalem  apostolicae  functionis  provinciam,  evangelii  inter  gentes  promulgandi  minister  fuit  speciali  iure  constitutus.  Nec  obest  quod  vetitus  est  transire  per  Macedoniam1),  et  loqui  verbum  in  Mysia:  quod  factum  est,  non  u  t  illi  certi  fines  limitarentur  :  sed  quia  quo  tempore  alio  properandum  erat:  illic  autem  nondum  maturuerat  messis.  6.  Vocati  Iesu  Christi.  Propiorem  rationem  assignat:  quia  scilicet  Dominus  iam  ediderit  in  eis  specimen,  quo  declaravit  se  ad  evangelii  communicationem  ipsos  vocare.  Unde  sequebatur,  si  vocationem  suam  stare  vellent,  non  repudiandum  eis  esse  ministerium  Pauli,  qui  eadem  Domini  electione  assumptus  fuerat.  Itaque  hanc  particulam,  Vocati  Iesu  Christi,  per  declarationem  accipio,  ac  si  intercederet  dictio  nempe.  Significat  vero,  esse  Christi  participes  per  vocationem.  Nam  et  in  Christo  a  patre  coelesti  eliguntur  in  filios2),  qui  futuri  sunt  aeternae  vitae  haeredes:  et  electi,  in  eius,  tanquam  pastoris,  custodiam  ac  fidem  committuntur.  7.  Omnibus  qui  estis  Bomae.  Pulchro3)  ordine'demonstrat  quid  sit  in  nobis  commendatione  dignum4).  Primum  quod  nos  Dominus  sua  benignitate  susceperit  in  gratiam  ac  dilectionem.  Deinde  quod  vocaverit.  Tertio  quod  vocaverit  ad  sanctitatem:  quae  demum  commendatio  locum  habet,  si  vocationi  nostrae  non  desumus.  Hic  vero  nobis  suggeritur  uberrima  doctrina,  quam  ego  breviter  perstringens  singulis  meditandam  relinquo.  Certe  penes  nos  salutis  nostrae  laudem*  non  statuit  Paulus,  sed  ex  fonte  gratuitae  Dei  et  paternae  erga  nos  dilectionis  totam  derivat  Hoc  enim  principium  facit,  quod  nos  Deus  amet.  Quae  porro  illi  amoris  causa,  nisi  mera  sua  bonitas.  Hinc  et  vocatio  dependet,  qua  suam  adoptionem  in  iis,  quos  prius  gratis  elegit,  suo  tempore  obsignat.  Caeterum  et  hinc  colligimus,  nullos  se  rite5)  fidelium  numero  aggregare,  quin  Dominum  sibi  benevolum  esse  certo  confidant,  licet  immeritis  ac  miseris  peccatoribus:  et  eius  bonitate  excitati  adspirent  ad  sanctitatem.  Non  enim  ad  immunditiam  nos  vocavit,  sed  in  sanctificationem,  ete.  Quum  graeca  reddi  per  secundam  personam  possent,  non  vidi  rationem  mutandae  personae6).  *)  imo  Bithyniam.  *)  filii.  3)  Egregio.  4)  commendandam.  5)  Non  ergo  possumus  n  o  s  .  .  .  .  confidamus.,.  .  adspiremus.  6)  cur  persona  variaretur.