46:12  regarde  qu'ils  ont  en  leurs  esprits,  on  trouvera  qu'ils  sont  estourdis  et  stupides,  et  que  le  diable  les  a  comme  abrutis.  On  trouvera  donc  cela  en  tous  incredules,  quelque  fermete  qu'ils  semblent  avoir.  Mais  les  fideles  ont  une  autre  fermete,  c'est  que  selon  que  la  foy  est  tant  mieux  enracinee  en  leurs  coeurs,  la  vertu  de  Dieu  y  reluira,  et  monstreront  comme  ils  sont  tellement  asseurez  qu'ils  auront  pleine  victoire  dessus  toutes  doutes  qui  leur  pourront  venir  en  avant.  Voyla  donc  ce  que  nous  avons  a  retenir.  E  fc  quant  a  ce  mot  d?asseurance,  c'est  tousiours  pour  avoir  une  distinction  d'avec  tous  les  erreurs,  dont  les  hommes  sont  seduits  par  Satan.  Et  c'est  afin  de  cognoistre  que  nostre  foy  doit  estre  bien  fondee,  et  que  ce  n'est  pas  une  opinion  telle  qu'ont  les  incredules,  et  quelque  chose  obscure  qu'ils  ne  discernent  point,  et  qu'ils  sont  la  comme  bestes  sauvages,  sans  intelligence,  ni  raison:  mais  qu'il  faut  que  nous  soyons  asseurez,  d'autant  que  nous  pouvons  facilement  cognoistre  que  c'est  Dieu  qui  a  parle  a  nous  selon  le  moyen  que  i'ay  desia  dit.  Or  il  y  a  bien  aussi  ce  mot,  Des  choses  desquelles  tu  as  este  enseigne.  Et  c'est  pour  nous  monstrer,  que  non  seulement  nous  devons  profiter  en  la  foy,  pour  apprendre  ce  qui  nous  estoit  incognu  auparavant,  mais  afin  que  ce  que  nous  avons  desia  entendu,  soit  mieux  imprime,  et  enracine  en  nostre  memoire,  et  que  nous  le  puissions  mieux  digerer  et  cognoistre  plus  distinctement.  Exemple:  Iournellement  on  nous  presche  que  Iesus  Christ  est  nostre  Redempteur,  que  par  sa  mort  et  passion  il  nous  a  acquis  salut,  qu'il  est  ressuscite  pour  nostre  iustification,  et  qu'il  est  monte  au  ciel,  afin  de  nous  y  preparer  le  lieu  et  prendre  possession  en  nostre  nom  de  l'heritage  celeste.  Si  la  dessus  on  dit,  Et  faut-il  avoir  les  aureilles  batues  d'un  propos  qui  est  tant  aise  de  foy,  et  que  les  petis  enfans  peuvent  facilement  cognoistre?  Nous  avons  este  tant  de  fois  preschez  de  cela:  faut-il  qu'au  bout  de  trente  ou  de  quarante  ans  nous  retournions  encore  a  nostre  A  B  C  ?  Voyla  (di-ie)  comme  plusieurs  parleront.  Mais  quoy  qu'il  en  soit,  quand  nous  aurons  bien  tout  regarde,  nous  avons  besoin  (comme  i'ay  desia  dit)  d'apprendre  ce  qui  nous  est  incognu,  et  que  nous  n'aurons  point  encores  apprehende:  mais  aussi  de  nous  avancer  de  plus  en  plus  en  ce  qui  nous  aura  este  enseigne,  et  en  ce  que  nous  aurons  appris.  Et  pourquoy?  Car  quand  nous  cuiderons  avoir  tout  sceu,  et  sans  qu'il  y  ait  rien  a  redire,  il  est  certain  qu'il  y  aura  tousiours  beaucoup  de  nuees  parmi,  qui  seront  pour  nous  esblouir  les  yeux:  tellement  que  nous  avons  besoin  que  le  Soleil  nous  luise,  et  que  sa  clarte  penetre  iusqu'en  nos  coeurs.  Or  quand  ie  parle  de  ce  Soleil,  i'enten  nostre  Seigneur  Iesus  Christ,  qui  est  le  Soleil  de  iustice: