42:12  question  que  de  tuer  l'un  et  meurtrir  l'autre,  en  fin  il  y  ha  une  grande  principaute,  et  Dieu  l'ordonne  ainsi.  Or  il  veut  punir  ceux  qui  ont  offence  les  premiers,  mais  si  faut  il  en  la  fin  que  les  autres  aient  leur  tour,  qu'il  y  ha  un  tel  ravaige  en  pays  de  Perse  (d'autant  que  Dieu  avoit  beaucoup  d'occasions  d'y  mettre  la  main)  qu'il  y  fait  une  si  horrible  vengeance  que  c'est  pour  faire  dresser  les  cheveux  en  la  teste,  quand  on  en  oit  parler.  Voila  comme  il  nous  faut  noter  les  iugements  de  Dieu,  et  au  reste  quand  il  est  parle  de  Xerces,  notons  qu'il  ha  este  cause  par  son  ambition  et  fierte,  que  le  feu  s'allumast,  pour  brusler  en  la  fin  tout  le  pays  de  Perse.  Ne  voila  point  une  chose  espouvantable,  qu'un  homme  assemble  sept  cents  mille  personnes,  pour  aller  meurtrir  et  tuer  tout?  quand  par  son  moien  il  y  ha  de  telles  desconfitures?  ne  faut  il  pas  bien  que  Dieu  en  la  fin  desploie  sa  main  pour  le  ruiner?  Et  par  cela  les  grands  sont  admonnestes  de  n'abuser  point  de  leur  grandeur,  de  ne  faire  point  de  folles  entreprises  pour  dire  ie  m'esleveray  d'autant,  comme  nous  voions  que  l'esprit  humain  fretille  tousiours,  quand  nous  voions  quelque  moien  qui  se  presente.  Or  sus  il  faut  faire  cela,  il  se  faut  ietter  a  la  proie,  il  faut  mettre  la  voile  au  vent  (comme  on  dit).  Voila  comme  les  hommes  en  seront  quand  ils  ont  quelques  moiens  pour  faire  ceci  ou  cela,  voire  ne  regardant  point  si  Dieu  les  y  appele  ou  non.  Et  ainsi  que  nous  soions  admonnestes  tous  en  general  quand  il  est  dit  que  Xerces  estant  enrichi  s'est  esleve,  et  ha  concite  tout  le  pays  de  Grece  a  l'encontre  de  Perse,  que  nous  n'allumions  point  des  feux  qui  soient  pour  nous  consommer  et  que  nous  ne  puissions  esteindre  ni  nous  ni  tous  les  nostres,  et  puis  en  general  il  nous  faut  venir  aux  iugements  de  Dieu,  quand  nous  voions  une  telle  punition  sur  la  maison.  d'Alexandre  le  grand,  que  nous  connoissions  comme  nostre  Seigneur  deteste  les  pillaiges,  les  eaccagemens,  les  larcins,  et  sur  tout  l'effusion  du  sang  humain,  et  quand  nous  voions  qu'a  cause  de  la  cruaute  qu'Alexandre  le  grand  a  exercee,  qu'il  faut  que  tout  le  pays  en  souffre,  que  nous  scachions  quand  il  y  aura  un  meschant  en  un  pays,  qui  ne  fera  que  susciter  des  ennemis  qui  ne  se  delectera  qu'a  esmouvoir  debat  et  querelle,  que  c'est  la  pire  poison  qui  y  scauroit  estre.  Et  ainsi  que  nous  detestions  tous  ceux  qui  ne  demandent  qu'a  faire  des  troubles  et  des  debats  en  un  pays,  car  outre  ce  qu'ils  sont  cause  de  nostre  ruine,  ils  ne  font  sinon  irriter  Dieu  a  l'encontre  de  nous,  ils  ne  font  sinon  provoquer  son  ire  tant  qu'il  faut  (en  la  fin)  que  sa  malediction  soit  estendue  sur  tout  un  pays.  Voila  donc  les  choses  que  nous  avons  a  noter,  et  desquelles  nous  pouvons  recueillir  une  bonne  instruction.  Mais  le  temps  ne  porteroit  pas  que  nous  en  peussions  dire  davan-