41:12  se  Deum  laudasse,  hoc  etiam  diligenter  notandum  est  quia  multi  in  suis  votis  obmurmurant  Deo.  Quamvis  enim  cupide  hoc  vel  illud  postulent,  tamen  feruntur  immodico  impetu,  et,  quemadmodum  dixi,  rogando  obstrepunt,  nisi  Deus  statim  obediat  ipsorum  votis.  Haec  ratio  est  cur  coniungat  Daniel  laudes  vel  gratiarum  actionem  cum  precibus:  quemadmodum  etiam  Paulus  nos  ad  utrumque  hortatur:  Innotescant,  inquit,  (Phil.  4,  6)  preces  vestrae  apud  Deum  cum  gratiarum  actione:  quasi  diceret,  non  posse  rite  concipi  preces  et  vota  coram  Deo,  nisi  ubi  sanctum  eius  nomen  benedicimus,  quamvis  non  statim  reddat  nos  votorum  nostrorum  compotes.  Et  notanda  est  circumstantia  in  Daniele:  exsulaverat  per  longum  tempus,  et  versatus  fuerat  inter  multas  et  molestas  iactationes:  celebrat  tamen  laudes  Dei.  Quis  nostrum  hac  patientia  instructus  erit,  ut  Deum  laudet,  si  per  tres  vel  quatuor  annos  multis  molestiis  fuerit  gravatus?  Imo  vix  dies  unus  praeterit,  quin  sic  ferveant  nostra  desideria,  ut  prorumpat  aliquis  impetus  contra  Deum.  Quod  ergo  Daniel  potuit  perseverare  in  Deo  laudando,  quum  tamen  tot  premeretur  angustiis,  et  doloribus,  et  molestiis,  hoc  insigne  fuit  documentum  invictae  patientiae.  Et  procul  dubio  significat  continuum  actum,  ubi  ponit  demonstrativum  pronomen  n21  quod  refertur  ad  morem  ordinarium,  sicuti  antea  fecerat,  a  pristino  illo  tempore.  Quum  designat  tempus,  notat,  quemadmodum  dixi,  perseverantiam,  quod  non  semel  neque  bis  duntaxat  ita  solitus  fuerit  orare,  sed  quod  aequabili  tenore  per  singulos  dies  se  exerceret  iu  hoc  pietatis  officio.  Postea  sequitur,  l  l  .  Tunc  viri  illi  sociati  sunt  (vel,  congregati  sunt,  ut  ab  aliis  vertitur)  et  invenerunt  Danielem  orantem  et  precantem  coram  Deo  suo.  Hic  fraudem  suam  patefaciunt  proceres  Darii,  dum  observant  Danielem,  idque  faciunt  conspiratione  mutua.  Neque  enim  aliunde  impulsi  fuerant  ad  dictandum  edictum,  nisi  ut  traherent  Danielem  ad  mortem.  Ergo  conveniunt  inter  se,  et  deprehendunt  Danielem  orantem  et  precantem  coram  Deo  suo.  Si  clanculum  precatus  fuisset  Daniel,  non  futurus  erat  obnoxius  his  insidiis:  atqui  non  dubitavit  se  morti  obiicere.  Sciebat  enim  quorsum  tenderet  edictum:  et  sciebat  proceres  illos  venturos.  Videmus  ergo  ut  sponte  praesentem  mortem  adierit:  neque  alia  de  causa,  nisi  ut  retineret  purum  Dei  cultum,  etiam  in  externa  professione.  Eant  nunc  qui  volunt  obtegere  suam  perfidiam,  dum  praetexunt  non  esse  temere  periclitandum,  et  quum  undique  obsideant  eos  improbi,  se  ideo  cavere,  ne  ita  vitam  suam  temere  proiiciant.  Nam  Daniel  secundum  ipsos  culpandus  esset  nimiae  simplicitatis  et  stultitiae,  quod  ita  certum  discrimen  obierit  sciens  et  volens.  Sed