34:12  espargne,  d'autant  qu'il  ne  nous  a  point  eslargi  des  dons  si  excellens,  comme  il  a  fait  a  celuy-la.  Autant  en  est-il  de  David.  Voila  David  qui  a  este  non  seulement  Prophete  de  Dieu,  mais  aussi  le  Roy  pour  gouverner  le  peuple  sainct  et  esleu,  et  qui  a  eu  en  sa  personne  des  vertus  bien  dignes  de  memoire  et  de  louange,  mesmes  d'admiration:  et  toutes  fois  comment  est-ce  que  Dieu  l'a  pourmene?  Nous  voyons  les  complaintes  qu'il  fait,  non  point  seulement  comme  un  homme  contemptible  et  reiette:  mais  disant,  qu'en  terre  Dieu  le  tient  a  la  torture)  qu'il  faut  qu'il  monstre  les  extremitez  ou  il  est  venu.  Car  ce  n'est  point  sans  cause  qu'il  dit  tant  souvent,  qu'il  a  passe  par  le  feu  et  par  l'eau,  et  qu'il  a  este  iette  aux  abysmes  plus  profonds,  et  qu'il  a  senti  tous  les  dards  de  Dieu,  et  toutes  ses  flesches  descochees  contre  lui,  que  la  main  de  Dieu  s'est  appesanti  sur  lui,  que  ses  os  mesmes  ont  este  froissez,  qu'il  n'est  demeure  ni  moolle  ni  substance  en  lui.  Quiand  nous  oyons  ces  propos,  il  nous  semble  quasi  que  ce  soit  moquerie:  mais  Dieu  nous  a  voulu  mettre  la  une  peinture  vive,  afin  que  nous  sachions,  suivant  ce  que  nous  avons  dit,  que  selon  que  Dieu  donne  une  grande  vertu  aux  hommes,  aussi  il  exerce  vivement,  afin  que  ces  vertus-la  ne  soyent  point  oisives,  mais  qu'elles  soyent  cognues  en  temps  et  lieu.  Au  reste  notons  cependant,  que  les  principales  tentations  qu'ayent  iamais  endure  les  fideles,  ont  este  ces  combats  spirituels,  que  nous  appellons,  c'est  a  dire,  quand  Dieu  les  a  adiournez  en  leurs  consciences,  qu'il  leur  a  fait  sentir  sa  fureur,  qu'il  les  a  persecutez  tellement  qu'ils  ne  savoyent  comme  ils  en  estoyent  avec  luy.  Aussi  cela  est  pour  les  abysmer  en  ruine  plus  que  tous  les  maux  corporels,  tant  qu'il  en  pourroit  advenir.  Et  voila  aussi  pourquoy  Iob  use  de  ceste  similitude,  que  Dieu  a  grince  les  dents  sur  lui.  Nous  voyons  aussi  comme  Ezechias  en  parle,  pource  qu'il  avoit  passe  par  ceste  tentation  (Isaie  38,  3.  14).  Il  dit,  Dieu  m'a  este  comme  un  lion.  Il  avoit  aussi  bien  use  auparavant  de-  la  similitude  qui  est  ici,  Qu'il  ne  savoit  ne  parler,  ne  se  taire.  Car  ie  suis  (ditil)  comme  une  arondelle,  ie  iargonne,  ie  murmure:  mais  ie  n'ay  point  de  propos  que  ie  puisse  exprimer  la  douleur  de  mon  mal,  ie  n'ay  point  la  langue  a  delivre.  Mais  la  dessus  il  vient  puis  apres  a  declarer,  que  Dieu  a  casse  et  rompu  ses  os,  comme  un  lion  qui  le  tiendroit  entre  ses  pattes  et  entre  ses  dents.  Et  comment  Dieu  se  peut-il  accomparer  a  un  lion  qui  est  une  beste  si  cruelle?  Non,  Ezechias  n'a  point  voulu  accuser  Dieu  de  cruaute,  mais  il  parle  de  l'apprehension  qu'il  a  eu,  et  de  l'affliction  horrible  qu'il  a  senti  quand  Tire  de  Dieu  a  este  sur  lui.  Ainsi  donc  notons  que  quand  une  povre  creature  entre  en  ceste  doute-la.  assavoir,  comment  elle