27:12  lissions  la  rebellion  qui  est  en  nous,  quand  nous  voyons  que  nous  tirons  tout  a  l'opposite  de  la  volonte  de  nostre  Dieu  :  que  nous  ayons  une  affection  pour  matter  cela,  et  pour  le  dompter.  Voila  les  coups  de  marteaux  dont  il  nous  faut  user  pour  polir  nos  coeurs,  c'est  de  nous  fascher  de  nos  vices,  et  nous  y  desplaire:  apres  nous  y  estre  condamnez,  nous  exercer  en  cela:  car  il  faut  qu'un  chacun  de  nous  se  face  force  et  violence,  pour  se  ranger  a  Dieu,  et  pour  le  servir,  et  que  nous  poursuyvions  cela,  quelque  difficulte  et  combat  qu'il  y  ait:  que  toute  hautesse  de  nos  coeurs  soit  abbattue,  et  que  rien  n'empesche  que  Dieu  n'y  engrave  puis  apres  sa  doctrine.  Or  quand  nostre  Seigneur  aura  ainsi  commence,  il  parfera:  c'est  qu'il  nous  instruira  de  sa  volonte,  et  nous  y  profiterons  de  plus  en  plus.  Et  ainsi  nous  voyons  que  le  commencement  de  nostre  foy  est  ceste  obeissance  par  laquelle  les  hommes  s'offrent,  et  se  presentent  a  Dieu  en  sacrifice,  pour  dire:  Helas!  Seigneur,  il  est  vray  que  ie  suis  un  povre  ignorant,  ie  suis  mesmes  une  beste  :  car  ie  ne  cognoy  nulle  raison  ni  prudence:  mais  ie  vien  a  toy,  afin  que  tu  me  conduises  par  ton  S.  Esprit,  que  tu  me  gouvernes.  Voila  (di-ie)  un  signe  que  nous  sommes  desia  bien  disposez:  et  ceste  disposition-  la  est  autant  comme  du  papier  blanc.  Car  si  quelcun  apporte  du  papier  tout  noir,  et  tout  souille,  et  mesmes  qu'il  l'ait  trempe  en  de  la  fange,  et  qu'il  dise:  Ie  voudroye  bien  estre  enseigne,  escrivez  la  dessus.  Et  il  se  mocque:  car  le  papier  est  brouille,  on  n'y  peut  rien  escrire  qu'on  puisse  cognoistre.  Mais  si  quelcun  apporte  du  papier  blanc  et  qu'il  dise:  Ie  me  submets  a  vous,  ie  vous  prie  monstrez  moy  ce  que  i'ay  a  faire.  Voila  un  bon  preparatif,  Ou  bien,  afin  d'approcher  tant  plus  de  la  similitude  que  nous  traittons  maintenant,  cest  assavoir  de  l'alliance  que  Dieu  contracte  avec  nous,  si  quelcun  voulant  faire  un  marche  avec  un  autre,  luy  disoit:  Or  ca,  afin  que  vous  entendiez  que  ie  me  veux  submettre  a  toute  raison,  voila  du  papier  blanc,  escrivez  tout  ce  que  bon  vous  semblera,  et  ie  le  recoy.  Si  quelcun  parle  ainsi,  et  qu'il  parle  en  verite,  il  monstre  qu'il  ne  desire  sinon  faire  tout  devoir  avec  la  partie  a  qui  il  a  affaire.  Mais  si  quelque  autre  apporte  du  papier  brouille  en  la  fange,  et  qu'il  dise,  Escrivez  ce  que  bon  vous  semblera,  ie  le  tien  pour  bon:  ne  monstre-il  pas  qu'il  veut  rescinder  tout  marche,  et  qu'il  n'est  pas  digne  qu'on  luy  sonne  un  seul  mot,  et  qu'il  declaire  assez  qu'il  ne  veut  point  venir  a  raison.  Ainsi  donc  que  nous  apportions  du  papier  blanc  a  Dieu,  cest  a  dire,  ceste  obeissance-la  de  nous  ranger  a  luy:  encores  que  nous  ^entendions  point  sa  volonte,  si  est-ce  que  c'est  l'entree  de  nostre  foy:  car  alors  Dieu  nous  instruit  pour  escrire  en  nos  coeurs  sa  parolle,  tellement  que  puis  apres  nous  en  sommes  deuement