26:12  encores  auiourd'huy  ce  mal  continue,  et  est  enflambe  plus  que  iamais.  Or  tant  y  a  que  ceci  tiendra  tousiours:  c'est  assavoir,  que  selon  que  les  hommes  possedent  les  terres,  voila  un  royaume,  voila  une  seigneurie,  voila  une  principaute,  voila  un  estat  d'une  ville  franche:  sachons  que  les  choses  sont  ainsi  distribuees  de  Dieu:  et  quiconques  entreprend  guerre,  eeluy-la  viole  entant  qu'en  luy  est  les  bornes  que  Dieu  avoit  mises.  Or  ie  parle  maintenant  des  guerres  qui  s'entreprennent  par  ambition,  ou  par  avarice,  ou  par  orgueil.  Comme,  voici  les  enfans  d'Israel  qui  devoyent  faire  guerre:  mais  Dieu  les  advoue,  et  les  a  constituez  possesseurs  de  la  terre,  dont  il  veut  que  les  habitans  soyent  dechassez,  comme  ils  ont  merite.  Mais  cependant  les  guerres  se  font-elles  par  authorite  de  Dieu?  les  hommes  regardent-ils  ce  qui  leur  est  licite?  Et  mesmes  attendent-ils  que  Dieu  leur  commande?  Ils  y  vont  en  despit  de  luy,  le  diable  los  y  pousse.  Or  il  est  vray  qu'auiourdhuy  si  on  dispute  des  Royaumes  et  Principautez,  qu'on  pourra  alleguer:  Et  ce  Royaume-la  comment  a-il  este  envahi?  Et  comment  un  tel  pays  est-il  occupe?  voire,  mais  tant  y  a  que  ce  n'est  point  a  nous  de  remuer  les  bornes:  encores  qu'elles  ayent  este  confuses,  si  ne  faut-il  point  que  nous  entreprenions  rien.  Car  nostre  Seigneur  ne  nous  a  point  donne  la  commission:  c'est  a  luy.  Mais  notons  aussi  bien,  que  tout  ainsi  que  les  hommes  ont  change  l'estat  qui  avoit  este  establi,  qu'il  faut  que  Dieu  les  renverse.  Et  voila  pourquoy  il  advient  tant  de  mutations  :  et  c'est  merveilles  encores  qu'on  n'en  voit  plus  cent  fois:  et  n'y  a  nulle  doute  que  si  Dieu  n'avoit  esgard  a  la  conservation  du  genre  humain,  qu'on  verroit  tous  les  iours  changemens  des  royaumes,  que  cela  ne  seroit  que  pour  trois  iours,  qu'un  qui  seroit  Roy  ne  seroit  que  comme  un  qui  sera  accoustre  sur  un  eschaffaut  pour  iouer  une  farce.  Mais  tant  y  a,  qu'il  nous  faut  bien  noter,  que  les  changemens  qui  adviennent  des  royaumes,  c'est  pour  punir  les  mutations  qu'on  a  faites,  quand  du  commencement  on  a  remue  les  bornes,  et  qu'on  a  voulu  pervertir  ce  que  Dieu  avoit  constitue.  Quoy  qu'il  en  soit,  retenons  ceste  doctrine,  que  Dieu  a  limite  les  pays  et  regions,  quand  il  a  voulu  qu'il  y  eust  des  principautez  establies  par  tout:  que  d'autant  que  cela  vient  de  sa  provoyance,  qu'il  nous  faut  tenir  coys,  et  ne  rien  changer,  sinon  que  nous  ayons  tesmoignage  qu'il  nous  ouvre  la  porte,  et  qu'il  nous  arme.  Comme  quand  on  nous  fera  violence,  il  est  certain  qu'alors  si  Dieu  donne  la  victoire  a  un  qui  sera  iniustement  assailli,  et  qu'il  vainque  son  ennemi,  et  le  dechasse,  cela  est  un  changement  de  Dieu:  mais  d'aller  assaillir,  ce  n'est  point,  comme  i'ay  desia  dit,  batailler  contre  les  creatures,  mais  contre  le  Dieu  vivant.  Et  poisons  bien  les  mots  qui  sont