25:12  ruent  inimici  vestri  coram  vobis  gladio.  9.  Vertam  enim  me  ad  vos,  et  crescere  faciam  vos,  atque  multiplicabo  vos,  stabiliamque  pactum  meum  vobiscum.  10.  Et  comedetis  vetus  inveteratum,  et  vetus  propter  novum  educetis,  l  l  .  Et  ponam  tabernaculum  in  medio  vestri,  neque  abominabitur  vos  anima  mea.  12.  Ambulabo  autem  in  medio  vestri,  eroque  vobis  in  Deum,  et  vos  eritis  mihi  in  populum.  13.  Ego  Iehova  Deus  vester  qui  eduxi  vos  de  terra  Aegypti,  ne  essetis  illis  servi:  et  confregi  lora  iugi  vestri  et  incedere  feci  vos  erecta  facie.  REPETITIO.  EX  DEUT.  XXVIII.  1.  Et  erit,  si  audiendo  audieris  vocem  Iehovae  Dei  tui,  ut  custodias  ad  faciendum  omnia  praecepta  eius  quae  ego  praecipio  tibi  hodie:  tunc  constituet  te  Iehova  Deus  tuus  superiorem  omnibus  gentibus  terrae.  2.  Et  venient  super  te  omnes  benedictiones  istae  apprehendentque  te,  si  modo  obedieris  voci  Iehovae  Dei  tui.  3.  Benedictus  eris  in  urbe  ipsa,  et  benedictus  eris  in  agro.  4.  Benedictus  fructus  ventris  tui,  et  fructus  terrae  tuae,  et  fructus  iumenti  tui,  foetus  boum  tuorum  et  greges  ovium  tuarum.  5.  Benedictum  canistrum  tuum,  et  conspersio  tua.  6.  Benedictus  eris  in  tuo  ingressu,  et  benedictus  eris  in  egressu  tuo.  7.  Dabit  Iehova  hostes  tuos  qui  insurrexerint  in  te,  percussos  coram  te,  per  viam  unam  egredientur  ad  te,  et  per  septem  vias  fugient  coram  te.  8.  Mandabit  Iehova  tecum  benedictionem  in  horreis  tuis,  et  in  omni  ad  quod  miseris  manum  tuam:  et  benedicet  tibi  in  terra  quam  Iehova  Deus  tuus  dat  tibi.  9.  Statuet  te  Iehova  sibi  in  populum  sanctum,  quemadmodum  iuravit  tibi,  quum  custodieris  praecepta  Iehovae  Dei  tui,  et  ambulaveris  in  viis  eius.  10.  Tunc  intelligent  omnes  populi  quod  nomen  Iehovae  invocatum  sit  super  te,  et  timebunt  sibi  a  te.  l  l  .  Et  abundare  faciet  te  Iehova  in  bonum  fructu  ventris  tui,  et  fructu  iumenti  tui,  et  fructu  terrae  tuae,  super  terram  quam  iuravit  Iehova  patribus  tuis  se  daturum  tibi.  12.  Aperiet  Iehova  tibi  thesaurum  suum  optimum^  coelum,  ut  det  pluviam  terrae  tuae  in  tempore  suo,  et  benedicat  omni  operi  manus  tuae,  et  mutuabis  gentibus  multis,  tu  vero  non  accipies  mutuum.  13.  Ponetque  te  Iehova  in  caput,  et  non  in  caudam,  erisque  duntaxat  sursum,  et  non  deorsum:  quando  obedieris  praeceptis  Iehovae  Dei  tui,  quae  ego  praecipio  tibi  hodie  ut  custodias  et  facias  :  14.  Neque  recesseris  ab  omnibus  verbis  quae  ego  praecipio  vobis  hodie,  ad  dextram  aut  ad  sinistram,  eundo  post  deos  alienos  ut  colatis  eos.  Levit  26,  3.  Si  in  decretis  meis.  Nunc  tractandi  sunt  nobis  duo  insignes  loci,  in  quibus  ex  professo  disserit,  quam  mercedem  sperare  debeant