14:12  tatem.  Galli  habent  Franciscum  Siverium10)  et  Richardum,11)  bene  doctum  utrumque  et  eloquentem.  Breviter:  est  quod  divinae  benignitati  omnes  unanimiter  gratias  agamus  pro  tanto  illius  beneficio,  gratitudinemque  nostram  nostra  resipiscentia  et  mutuis  caritatis  officiis  attestemur,  et  oremus  diligenter  ut,  quod  ita  hic  orsus  est  Dominus  pro  ineffabili  sua  misericordia,  hisce  potissimum  afflictissimis  temporibus,  id  ut  provehat  ad  finem  usque,  addatque  nobis  spiritum  suum  sanctum,  qui  nos  nostraque  consilia  omnia  in  nostro  ministerio  regat,  moderetur  ac  prosperet,  ut  regnum  filii  sui  dilecti  per  nos  propagari  illustriaque  reddi  possit,  ad  gloriam  nominis  ipsius,  salutem  nostram  et  ecclesiae  suae  aedificationem.  Amen.  Sensimus  iam  conatus  Satanae  undiquaque  nostrum  institutum  perturbare  conantis,  adeo  ut  res  ad  scissionem  ecclesiarum  propemodum  spectaret.12)  Sed  Dominus  iam  furias  illas  compescuit  utcunque,  et  posthac  speramus  meliora.  Iam  finem  cogor  facere  propter  obruentia  me  negotia.  Opto  itaque  cum  nostris  omnibus,  vos  istic  omnes  observandissimos  nobis  praeceptores  et  fratres  recte  in  Domino  agere  et  optime  valere  una  cum  tota  ecclesia  vestra,  cuius  nos  precibus  officiosissime  commendamus.  Londini  7.  Ianuarii  1551.  Tuae  pietati  ex  animo  addictissimus.  Ioannes  a  Lasco.  1433.  VIRETUS  CALVINO.  Agit  de  coniugibus  separatis  a  Calvino  si  fieri  posset  reconciliandis,  tum  pluribus  de  novo  edicto  Bernensium  circa  blasphematorum  poenam  promulgato,  item  de  abrogatis  Genevae  diebus  festis.  (Quatuor  ut  plerumque  inspeximus  exemplaria:  autographon  in  Cod.  Genev.  Illa,  fol.  98,  Turretini  in  Cod.  116,  fol.  119,  Bernense  in  Epp.  VI.  p.  106,  et  Simleri  Vol.  74.)  10)  Perucellum  {ib.  et  Burnet  p.  34).  Erravimus  ad  1399  not  l  l  .  ,  11)  VanviMe.  12)  Laudat  Kuyper  us  ad  h.  I  Gorham  Ee  f.  Gleanings  Lond.  1857,  p  .  230.  Conferri  etiam  poteris  Micronii  ep.  ad  BuU.  m.  Augusto  1551  scriptam  (Parker-Soc.  IL.  574)  ubi  certamina  narrantur  ecclesiae  suae  vixdum  conditae  non  solum  c.  papistis  sed  etiam  c.  Epicuraeis,  et  pseudo-evangelicis,  nimirum  Anabaptistis  quorum  recenset  errores  de  paedobaptismo,  incarnatione,  magistratu,  iureiurando  et  communione  bonorumy  speciatim  etiam  Arianos  notat  i.  e.  Antitrinitarios.